റോ ഖന്ന, 2024 ലെ പ്രസിഡന്റ് സ്ഥാനാര്‍ഥിയാകണമെന്ന് ബെര്‍ണി സാന്റേഴ്സ്

ഫിലഡല്‍ഫിയ: അമേരിക്കയില്‍ 2024-ല്‍ നടക്കുന്ന പ്രസിഡന്റ് തെരഞ്ഞെടുപ്പില്‍ കാലിഫോര്‍ണിയയില്‍ നിന്നുള്ള യു.എസ് കോണ്‍ഗ്രസ് അംഗം റോ ഖന്നയെ പിന്തുണച്ച് ബെര്‍ണി സാന്റേഴ്സ് . 79 വയസുള്ള ജോ ബൈഡന്‍ വീണ്ടും മത്സരിക്കുന്നില്ലെങ്കില്‍ ഡെമോക്രാറ്റിക് പാര്‍ട്ടി സ്ഥാനാര്‍ത്ഥിയായി റോ ഖന്ന മത്സരിക്കണമെന്നാണ് ബെര്‍ണി സാന്റേഴ്സ് കാമ്പയിന്‍ തീരുമാനം .

ബൈഡന്റെ വൈസ് പ്രസിഡന്റ് കമലാ ഹാരിസിനെ ഡെമോക്രാറ്റിക്ക് പ്രസിഡന്റ് സ്ഥാനാര്‍ത്ഥിയാക്കിയാല്‍ വിജയിക്കാന്‍ സാധ്യതയില്ല എന്നാണ് ഡെമോക്രാറ്റിക്ക് പാര്‍ട്ടി സീനിയര്‍ നേതാക്കള്‍ ഉള്‍പ്പടെയുള്ളവരുടെ അഭിപ്രായം. പാര്‍ട്ടിക്കകത്ത് തന്നെ കമലാ ഹാരിസിന് നിരവധി അംഗംങ്ങളുടെ എതിര്‍പ്പാണ് നേരിടേണ്ടി വരുന്നത്.

Picture2

വെര്‍മോണില്‍ നിന്നുള്ള സീനിയര്‍ യുഎസ് സെനറ്റര്‍മാരായ ബെര്‍ണി സാന്റേഴ്‌സിന്റെ പ്രസിഡന്‍ഷ്യല്‍ കാമ്പയില്‍ മാനേജര്‍ ജെഫ് വീവര്‍, സീനിയര്‍ അഡൈ്വസര്‍ മാര്‍ക്ക് ലോംഗ്‌ബെ എന്നിവര്‍ ഇതിനകം തന്നെ റോ ഖന്നയെ സമീപിച്ചു 2024 സ്ഥാനാര്‍ത്ഥിയാകണമെന്ന് ആവശ്യപ്പെട്ടിരുന്നു. ഖന്ന ഏറ്റവും അനുയോജ്യനായ സ്ഥാനാര്‍ഥിയാണെന്നും ഇപ്പോള്‍ തകര്‍ന്നടിഞ്ഞു കിടക്കുന്ന അമേരിക്കന്‍ സാമ്പത്തിക രംഗം പുനരുദ്ധരിക്കുന്നതിന് അദ്ദേഹത്തിന് കഴിയുമെന്നും ഇവര്‍ പ്രത്യാശ പ്രകടിപ്പിച്ചു.

കാലിഫോര്‍ണിയ സിലിക്കണ്‍ വാലിയെ പ്രതിനിധീകരിക്കുന്ന റോ ഖന്ന സ്വയം അവകാശപ്പെടുന്നത് തന്നെ ‘പ്രോഗ്രസീവ് കാപ്പറ്റലിസ്റ്റ്’ എന്നാണ്

പഞ്ചാബ് ഹിന്ദി ഫാമിലി അംഗങ്ങളായ മാതാപിതാക്കള്‍ അമേരിക്കയിലേക്ക് കുടിയേറി ഇവര്‍ക്ക് 1976 സെപ്റ്റംബര്‍ 13 ന് പെന്‍സില്‍വാനിയ ഫിലാഡല്‍ഫിയയില്‍ ജനിച്ച മകനാണ് റോ ഖന്ന. ന്യുട്ടണ്‍ പബ്ലിക് സ്‌കൂളില്‍ പ്രാഥമിക വിദ്യാഭ്യാസത്തിന് ശേഷം യേല്‍ ലോ സ്‌കൂളില്‍ നിന്നാണ് നിയമബിരുദം കരസ്ഥമാക്കിയത്.

Leave Comment