തിരുവനന്തപുരം : കപ്പിനും ചുണ്ടിനുമിടയിലാണ് ?ഗുജറാത്തില്‍ ഭരണം നഷ്ടപ്പെട്ടത്’; ആംആദ്മി പാര്‍ട്ടി ബിജെപിയുടെ ബി ടീമായാണ് പ്രവര്‍ത്തിക്കുന്നതെന്ന് മുന്‍ മന്ത്രിയും മുതിര്‍ന്ന കോണ്‍ഗ്രസ് നേതാവ്മായ രമേശ് ചെന്നിത്തല പറഞ്ഞുപല സംസ്ഥാനങ്ങളിലും കോണ്‍?ഗ്രസ് വോട്ടുകള്‍ ഭിന്നിപ്പിക്കാന്‍ ആംആദ്മിക്ക് കഴിഞ്ഞു. ?ഗുജറാത്ത് തെരഞ്ഞെടുപ്പില്‍ ഈ പ്രവണതയെ പ്രതിരോധിക്കുമെന്നും രമേശ് ചെന്നിത്തല പറഞ്ഞു. ഗുജറാത്ത് നിയമസഭാ തെരഞ്ഞെടുപ്പില്‍ സ്ഥാനാര്‍ത്ഥി നിര്‍ണയ സമിതിയുടെ ചുമതല ലഭിച്ചതിന് ശേഷം മാധ്യമങ്ങളോട് പ്രതികരിക്കുകയായിരുന്നു അദ്ദേഹം.’ഗുജറാത്തില്‍ ഏല്‍പ്പിച്ച ചുമതലകള്‍ ഭംഗിയായി നിറവേറ്റും. കഴിഞ്ഞ തെരഞ്ഞെടുപ്പില്‍ കപ്പിനും ചുണ്ടിനുമിടയിലാണ് ഭരണം നഷ്ടപ്പെട്ടത്. ഇത്തവണ വര്‍ധിച്ച ആവേശത്തോടെ പ്രവര്‍ത്തിക്കും. സ്ഥാനാര്‍ത്ഥി നിര്‍ണയ സമിതിയുടെ ചുമതല എന്ന് പറയുന്നത് പ്രദേശ് കോണ്‍ഗ്രസ് കമ്മറ്റി നല്‍കുന്ന ശുപാര്‍ശകള്‍ പരിശോധിച്ച് കേന്ദ്ര തെരഞ്ഞെടുപ്പ് കമ്മിറ്റിക്ക് നല്‍കുകയെന്നതാണ്. പിസിസിയോട് കൂടിയാലോചിച്ച് പ്രവര്‍ത്തിക്കും. ഡിസംബര്‍ അവസാനത്തോടെ മാത്രമെ തെരഞ്ഞെടുപ്പ് ഉണ്ടാവൂ. ബിജെപിയെ ഗുജറാത്തില്‍ തോല്‍പ്പിക്കാനാണ് എല്ലാ കോണ്‍ഗ്രസ് പ്രവര്‍ത്തകര്‍ ആഗ്രഹിക്കുന്നത്. അതില്‍ ഭാഗമാകാന്‍ സോണിയ ഗാന്ധി അവസരം തന്നു. ബിജെപി സര്‍ക്കാരിനോട് ജനങ്ങള്‍ക്കുള്ള അമര്‍ഷം പ്രകടമാണ്.’ രമേശ് ചെന്നിത്തല പറഞ്ഞു.
വിഴിഞ്ഞം ഹാര്‍ബര്‍ വിഷയത്തില്‍ മത്സ്യത്വഴിലാളി കളുടെ ആഴങ്ക പരിഹരിക്കണം തുറമുഖം വേണ്ടന്ന നിലപാട് യു.ഡി എഫിനില്ല എന്നാല്‍ മത്സ്യതൊഴിലാളികളെ വിശ്വാസത്തിലെടുത്ത് വേണം പദ്ധതി നടപ്പിലാക്കാന്‍ ഇക്കാര്യത്തില്‍ മുഖ്യമന്ത്രി അനാവശ്യ വാശി ഒഴിവാക്കണമെന്നും ചെന്നിത്തല പറഞ്ഞു.
