ആധുനിക കാല വെല്ലുവിളികളെ നേരിടാൻ വിദ്യാർഥികൾക്ക് കഴിയണമെന്ന് ഉന്നതവിദ്യാഭ്യാസ- സാമൂഹ്യനീതി മന്ത്രി ഡോ.ആർ ബിന്ദു പറഞ്ഞു. തിരുവനന്തപുരം ടാഗോർ തിയേറ്ററിൽ നടന്ന ബാർട്ടൺ ഹിൽ ഗവ. എൻജിനീയറിംഗ് കോളേജിന്റെ ബിരുദദാന ചടങ്ങ് ഉദ്ഘാടനം ചെയ്തു സംസാരിക്കുകയായിരുന്നു മന്ത്രി. നാലാം വ്യവസായ വിപ്ലവത്തിന്റെ വഴികളിലൂടെ ലോകം മുന്നേറുമ്പോൾ അതിനനുസരിച്ചുള്ള സാധ്യതകളും വെല്ലുവിളികളുമുണ്ടാകും. മികച്ച ജീവിത നിലവാരം സാധ്യമാക്കാൻ നമ്മുടെ വിഞ്ജാനവും യോഗ്യതകളും ഉപയോഗിക്കണം. മികച്ച ഗവേഷണങ്ങളും നൂതനത്വവും നിറഞ്ഞ ആശയങ്ങൾ പ്രാവർത്തികമാക്കണം.
