ഇന്‍ക്രെഡ് മണി ആപ്പില്‍ സ്ഥിര നിക്ഷേപത്തിന് (എഫ്ഡി) സഹായിക്കുന്ന ഉല്‍പ്പന്നം പുറത്തിറക്കി പ്രമുഖ വൈവിധ്യവത്കൃത സാമ്പത്തിക സേവന സ്ഥാപനമായ ഇന്‍ക്രെഡ് ഗ്രൂപ്പിന്റെ ഇന്‍ക്രെഡ് മണി (ഐ.സി.എം). നിക്ഷേപകര്‍ക്ക് നിക്ഷേപ പ്രക്രിയ ലളിതമാക്കാനും ഉയര്‍ന്ന പലിശ നിരക്കും മെച്ചപ്പെടുത്തിയ സൗകര്യവും വാഗ്ദാനം ചെയ്യാനും ഇത് ലക്ഷ്യമിടുന്നു. ഇന്‍ക്രെഡ് മണിയുടെ പ്ലാറ്റ്‌ഫോം നിക്ഷേപകര്‍ക്ക് ഒരൊറ്റ പ്ലാറ്റ്‌ഫോമില്‍ എഫ്ഡികളുടെ ഒരു ശ്രേണി ആക്‌സസ് ചെയ്യാന്‍ കഴിയുന്ന പ്രക്രിയ കാര്യക്ഷമമാക്കും.
എഫ്ഡികളോടുള്ള ഇന്ത്യയുടെ സ്നേഹം പ്രസിദ്ധമാണ്. 2023 മാര്‍ച്ചില്‍ ഷെഡ്യൂള്‍ഡ് കൊമേഴ്‌സ്യല്‍ ബാങ്കുകളുടെ എഫ്ഡികളില്‍ 108 ലക്ഷം കോടി നിക്ഷേപിച്ചു. 2021ലും 2022ലും എഫ്ഡി പലിശ നിരക്ക് ഏകദേശം 5.5% ആയി കുറഞ്ഞിട്ടും, ഓരോ വര്‍ഷവും എഫ്ഡിയിലെ നിക്ഷേപം വര്‍ദ്ധിക്കുകയാണുണ്ടായത്. ചെറുകിട ധനകാര്യ ബാങ്കുകളും (എസ്എഫ്ബി) നോണ്‍-ബാങ്കിംഗ് ഫിനാന്‍ഷ്യല്‍ കമ്പനികളും (എന്‍ബിഎഫ്‌സി) ഉള്‍പ്പെടെ ആര്‍ബിഐ നിയന്ത്രിത ഷെഡ്യൂള്‍ഡ് കൊമേഴ്‌സ്യല്‍ ബാങ്കുകളുമായി സഹകരിച്ചാണ് ഇന്‍ക്രെഡ് മണി പുത്തന്‍ ആശയം ഒരുക്കിയിരിക്കുന്നത്.
ആന്‍ഡ്രോയിഡ്, ഐഒഎസ് ആപ്പ് സ്റ്റോറുകളില്‍ ലഭ്യമായ ഇന്‍ക്രെഡ് മണി ആപ്പ് വഴി നിക്ഷേപകര്‍ക്ക് ഒന്നിലധികം ഫിക്സഡ് ഡിപ്പോസിറ്റുകളില്‍ എളുപ്പത്തില്‍ നിക്ഷേപിക്കാന്‍ കഴിയും. സുരക്ഷയുടെ കാര്യത്തില്‍, ബാങ്ക്, എന്‍ബിഎഫ്‌സി എഫ്ഡികള്‍ നിയന്ത്രിക്കുന്നത് ആര്‍ബിഐ ആണെന്നത് ശ്രദ്ധിക്കേണ്ടതാണ്. കൂടാതെ, ഒരു ലക്ഷം രൂപ വരെ ഇന്‍ഷുറന്‍സ് ഉണ്ട്. ഓരോ ബാങ്കിനും ഓരോ പാന്‍ ഡെപ്പോസിറ്റിലും ഡെപ്പോസിറ്റ് ഇന്‍ഷുറന്‍സ് ആന്‍ഡ് ക്രെഡിറ്റ് ഗ്യാരന്റി കോര്‍പ്പറേഷന്‍ (100% RBI സബ്‌സിഡിയറി) മുഖേന 5 ലക്ഷം രൂപയാണിത്.
ഇന്‍ക്രെഡ് മണി പ്ലാറ്റ്‌ഫോമിലെ എഫ്ഡികള്‍ 9.25% മുതിര്‍ന്ന പൗരന്മാര്‍ക്കും 9.01% വരെ സാധാരണ നിക്ഷേപകര്‍ക്കും പലിശ നല്‍കും. നിക്ഷേപകരെ അവരുടെ പ്ലാറ്റ്‌ഫോമില്‍ വിവിധ ബാങ്കുകളില്‍ നിന്നും എന്‍ബിഎഫ്‌സികളില്‍ നിന്നുമുള്ള എഫ്ഡികള്‍ താരതമ്യം ചെയ്യാനും അവരുടെ റിട്ടേണ്‍, മെച്യൂരിറ്റി പ്രതീക്ഷകള്‍ എന്നിവയ്‌ക്കൊപ്പം മികച്ച രീതിയില്‍ യോജിപ്പിക്കുന്ന എഫ്ഡികളില്‍ നിക്ഷേപിക്കാനും ഇന്‍ക്രെഡ് മണി സൗകര്യം നല്‍കും. ഈ മുഴുവന്‍ പ്രക്രിയയും 5 മിനിറ്റിനുള്ളില്‍ പൂര്‍ത്തിയാക്കാന്‍ കഴിയും. പുതിയ സേവിംഗ്സ് ബാങ്ക് അക്കൗണ്ട് തുറക്കേണ്ട ആവശ്യമില്ല.സാമ്പത്തിക അവസരങ്ങള്‍ ജനാധിപത്യവല്‍ക്കരിക്കാനും സാമ്പത്തിക ക്ഷേമത്തിലേക്കുള്ള പാത ലളിതമാക്കാനുമാണ് കമ്പനി ശ്രമിക്കുന്നതെന്ന് ഇന്‍ക്രെഡ് മണിയുടെ സിഇഒ വിജയ് കൂപ്പ പറഞ്ഞു. കൂടുതലറിയാന്‍ www.incredmoney.com സന്ദര്‍ശിക്കുക.
Athulya K R
