ഡാളസ് : ഡാളസ് അനിമൽ സർവീസസ് വലിയ നായകളെ ദത്തെടുക്കുന്നവർക്ക് $150 സമ്മാന കാർഡുകൾ വാഗ്ദാനം ചെയ്യുന്നു.ഡാളസ് അനിമൽ സർവീസസ് ജൂലായ് നാലിന് നൂറുകണക്കിന് നായ്ക്കളെ ഏറ്റെടുക്കുമെന്ന് പ്രതീക്ഷിക്കുന്നതിനാൽ കൂടുതൽ നായകളെ ഒഴിവാക്കേണ്ടതു ആവശ്യമാണെന്നും ആയതിനാൽ ചില ദത്തെടുക്കലുകൾക്കും രക്ഷാപ്രവർത്തനങ്ങൾക്കുമായി $150 സമ്മാന കാർഡുകൾ വാഗ്ദാനം ചെയ്യുന്നതെന്നും . സിറ്റി ഷെൽട്ടർ പറഞ്ഞു.
നിലവിൽ 300 നായ്ക്കൾ ഉൾകൊള്ളാൻ മാത്രം സ്ഥല പരിമിതിയുള്ള സ്ഥാനത്തു 482 നായ്ക്കൾ ഉണ്ടെന്നും ദത്തെടുക്കുന്ന 40 പൗണ്ടിൽ കൂടുതലുള്ള അടുത്ത 150 നായ്ക്കൾക്ക് $150 ആമസോൺ സമ്മാന കാർഡുകൾ വാഗ്ദാനം ചെയ്യുന്നുണ്ടെന്നും മൃഗസംരക്ഷണ കേന്ദ്രം അറിയിച്ചു.
എല്ലാ വളർത്തുമൃഗ ഉടമകളോടും തങ്ങളുടെ വളർത്തുമൃഗങ്ങൾ മൈക്രോചിപ്പ് ചെയ്തതാണോ അല്ലെങ്കിൽ കുറഞ്ഞത് ഒരു ഐഡി ടാഗെങ്കിലും ഉണ്ടെന്ന് ഉറപ്പാക്കാൻ ഷെൽട്ടർ അഭ്യർത്ഥിക്കുന്നു. അവധിക്കാലത്ത്, കൊടുങ്കാറ്റും പടക്കങ്ങളും സമയത്ത് വളർത്തുമൃഗത്തിന് വീടിനുള്ളിൽ സുരക്ഷിതത്വം അനുഭവിക്കാൻ ഒരു സ്ഥലം ഉണ്ടെന്ന് ഉറപ്പാക്കാനും മൃഗത്തെ ഒരിക്കലും ശ്രദ്ധിക്കാതെ മുറ്റത്തേക്ക് കടത്തിവിടരുതെന്നും ഷെൽട്ടർ ശുപാർശ ചെയ്യുന്നു.
വലിപ്പം കൂടിയ നായ്ക്കളെ ദത്തെടുക്കുന്നവർക്ക് രണ്ടാഴ്ചയോളം വളർത്തുമൃഗങ്ങൾ വീട്ടിൽ ഉണ്ടായിരുന്നതിന് ശേഷം അവരുടെ സമ്മാന കാർഡ് ഇമെയിൽ വഴി ലഭിക്കുമെന്ന് അഭയകേന്ദ്രം അറിയിച്ചു. 40 പൗണ്ടോ അതിൽ കൂടുതലോ ഭാരമുള്ള നായയെ എടുക്കുന്ന രക്ഷാപ്രവർത്തകർക്ക് ഉടൻ സമ്മാന കാർഡ് ലഭിക്കും.
“ഈ മൃഗങ്ങളോടുള്ള നിങ്ങളുടെ പിന്തുണയ്ക്കും പ്രതിബദ്ധതയ്ക്കും നന്ദി പറയാനുള്ള ഞങ്ങളുടെ വഴിയാണിത്,” ഡാളസ്അനിമൽ സർവീസസ് അസിസ്റ്റൻ്റ് ഡയറക്ടർ മേരി മാർട്ടിൻപറഞ്ഞു.
