കൊച്ചി : ഇലക്ട്രിക് മൊബിലിറ്റിയിലും ക്ലീൻ എനർജി നവീകരണത്തിലും മുൻനിരയിലുള്ള പ്യുവർ, ഊർജ്ജ സംഭരണ ഉൽപ്പന്നങ്ങളുടെ നിരയായ പ്യുവർ പവർ പുറത്തിറക്കി. പ്യുവർപവർ ഹോം, പ്യുവർപവർ കൊമേഴ്‌സ്യൽ, വരാനിരിക്കുന്ന പ്യുവർ പവർ ഗ്രിഡ് എന്നിവയിലൂടെ പ്യുവർപവർ വിവിധ മേഖലകളിലെ ഊർജ്ജ ആവശ്യങ്ങൾ നിറവേറ്റാൻ സഹായിക്കുന്ന ഉത്പന്നങ്ങളാണ് വിപണിയിലെത്തിക്കുന്നത്.
ബാറ്ററി സാങ്കേതികവിദ്യ, പവർ-ഇലക്ട്രോണിക്‌സ്, ഇലക്ട്രിക് പവർ സിസ്റ്റം, സോളാർ കൺട്രോൾ, എഐ എന്നിവ സംയോജിപ്പിച്ചുകൊണ്ട് പ്യുവർപവറിലൂടെ ഊർജ്ജ സംഭരണ നവീകരണത്തിൽ ഒരു പുതിയ നാഴികകല്ല് സൃഷ്ടിക്കാൻ ഒരുങ്ങുകയാണ് പ്യുവർ. ഒന്നര വർഷം കൊണ്ട് ഇന്ത്യയിലുടനീളം 300-ലധികം ഡീലർമാരെയും വിതരണക്കാരെയും നിയോഗിച്ച് ഉപഭോക്താക്കളിലേക്കെത്താൻ പ്യുവർ ലക്ഷ്യമിടുന്നു .
ഇന്ത്യയുടെ ഡീകാർബണൈസേഷൻ ലക്ഷ്യങ്ങളോടുള്ള പ്രതിബദ്ധതയാണ് പ്യുവർ പവറിലൂടെ നടപ്പാക്കുന്നതെന്ന് സ്ഥാപകനും എംഡിയുമായ ഡോ. നിഷാന്ത് ദോംഗരി പറഞ്ഞു. പ്യുവർ പവർ ഹോമിനുള്ള ബുക്കിംഗ് 2025 ഏപ്രിൽ 1 മുതൽ ആരംഭിക്കും.
Aishwarya
