ഹ്യൂസ്റ്റൺ(ടെക്സസ്) : വെള്ളിയാഴ്ച തെക്കുപടിഞ്ഞാറൻ ഹ്യൂസ്റ്റണിലെ ഒരു പാർക്കിൽ നടക്കുന്നതിനിടെ അയൽക്കാരും ദീർഘകാല സുഹൃത്തുക്കളുമായ രണ്ട് പേർ വെടിയേറ്റ് മരിച്ചതായി ഡിറ്റക്ടീവുകൾ അറിയിച്ചു
സംഭവസ്ഥലത്ത് രാവിലെ 6 മണിക്ക് തൊട്ടുമുമ്പ്, 14900 വൈറ്റ് ഹീതർ ഡ്രൈവിൽ സ്ഥിതി ചെയ്യുന്ന വൈൽഡ്‌ഹീതർ പാർക്കിൽ ഹ്യൂസ്റ്റൺ പോലീസ് ഡിപ്പാർട്ട്‌മെന്റ് എത്തിചേർന്നു .
പാർക്കിലെ ഒരു നടപ്പാതയിലൂടെ നടക്കുമ്പോൾ, ഒന്നോ അതിലധികമോ പ്രതികൾ പിന്നിൽ നിന്ന് അവരുടെ ശരീരത്തിലേക്ക് ഒന്നിലധികം റൗണ്ടുകൾ വെടിയുതിർക്കുകയായിരുന്നുവെന്നു സാർജന്റ് മൈക്കൽ അരിംഗ്ടൺ പറഞ്ഞു. പുൽമേടിൽ നിന്ന് കണ്ടെത്തിയ നിരവധി ഷെൽ കേസിംഗുകൾ കാരണം, വെടിവയ്പ്പിന് മുമ്പ് പ്രതി ഉയർന്ന പുല്ലിൽ കാത്തിരുന്നിരിക്കാനും സാധ്യതയുണ്ടെന്ന് അന്വേഷകർ പറഞ്ഞു.
“സംശയിക്കപ്പെടുന്നവർ ആരായാലും പ്രദേശത്ത് നിന്ന് അടുത്തുള്ള ഒരു പാർക്കിംഗ് സ്ഥലത്തേക്ക് ഓടി ഒരു വെളുത്ത സെഡാനിൽ രക്ഷപെടുന്നത് കണ്ടതായി ദൃക്‌സാക്ഷികൾ റിപ്പോർട്ട് ചെയ്തു.
സംഭവം ഒരു കവർച്ചയാണെന്ന് തോന്നുന്നില്ല, മറിച്ച് ലക്ഷ്യം വച്ചുള്ള, “പതിയിരിപ്പ് ശൈലിയിലുള്ള” ആക്രമണമാണെന്ന് അരിംഗ്ടൺ പറഞ്ഞു.
ഈ കേസിനെക്കുറിച്ച് എന്തെങ്കിലും വിവരങ്ങൾ ഉള്ളവർ HPD ഹോമിസൈഡ് ഡിവിഷനെ (713) 308-3600 എന്ന നമ്പറിൽ വിളിക്കുകയോ ക്രൈം സ്റ്റോപ്പേഴ്‌സ് 713-222-TIPS എന്ന നമ്പറിൽ വിളിക്കുകയോ ചെയ്യണമെന്ന് അഭ്യർത്ഥിക്കുന്നു.
