മിഷിഗൺ : അമേരിക്കയിലെ മിഡ്വെസ്റ്റ് മേഖലയിൽ പ്രവർത്തിക്കുന്ന സൂപ്പർമാർക്കറ്റ് ശൃംഖലയായ മെയ്യർ, തങ്ങളുടെ 38,000-ത്തിലധികം ഗാലൻ ഡിസ്റ്റിൽഡ് വാട്ടർ തിരികെ വിളിച്ചു. വെള്ളത്തിൽ കറുത്ത നിറത്തിലുള്ള അന്യവസ്തുക്കൾ ഒഴുകിനടക്കുന്നതായി കണ്ടെത്തിയതിനെത്തുടർന്നാണ് നടപടി.
താഴെ പറയുന്ന അടയാളങ്ങളുള്ള ഉൽപ്പന്നങ്ങളാണ് തിരിച്ചെടുക്കുന്നത്:
അടയാളം: ചുവന്ന പ്ലാസ്റ്റിക് അടപ്പുള്ള ഒരു ഗാലൻ കാനുകൾ.
സെൽ ബൈ ഡേറ്റ് (Sell by date): Oct. 4, 2026.
ലോട്ട് കോഡ് (Lot Code): 39-222 #3.
പ്രധാന സ്റ്റേറ്റുകൾ: ഇല്ലിനോയിസ്, ഇന്ത്യാന, കെന്റക്കി, ഒഹായോ, മിഷിഗൺ, വിസ്കോൺസിൻ.
ഫുഡ് ആൻഡ് ഡ്രഗ് അഡ്മിനിസ്ട്രേഷൻ (FDA) ആണ് ഈ വിവരം പുറത്തുവിട്ടത്. ചിക്കാഗോ സബർബുകളിലും നോർത്ത് വെസ്റ്റ് ഇന്ത്യാനയിലും ഉൾപ്പെടെ നൂറുകണക്കിന് സ്റ്റോറുകൾ മെയ്യർ ഗ്രൂപ്പിനുണ്ട്. ഈ ബാച്ചിൽപ്പെട്ട വെള്ളം വാങ്ങിയിട്ടുള്ള ഉപഭോക്താക്കൾ അത് ഉപയോഗിക്കരുതെന്നും സ്റ്റോറുകളിൽ തിരികെ നൽകണമെന്നും നിർദ്ദേശമുണ്ട്.
