കൊച്ചി : പ്രമുഖ കോർപ്പറേറ്റ് സ്റ്റോക്ക് ബ്രോക്കിങ് സ്ഥാപനമായ നാഷണൽ സ്റ്റോക്ക്ഹോൾഡിംഗ് സർവീസസ് ലിമിറ്റഡ് ഇന്ത്യയിലെ നിക്ഷേപകർക്ക് ലളിതവും സുരക്ഷിതവുമായ നിക്ഷേപ അനുഭവം നൽകുന്ന സ്റ്റോക്ക്ഫിൻ മൊബൈൽ ആപ്പിന്റെ പരിഷ്കരിച്ച പതിപ്പ്, സ്റ്റോക്ക്ഫിൻ 2.0, പുറത്തിറക്കി.
പുതുക്കിയ ആപ്പ് മെച്ചപ്പെട്ട വേഗത, വിപണിയെക്കുറിച്ചുള്ള ആഴത്തിലുള്ള അവലോകനങ്ങൾ, കൂടുതൽ സുരക്ഷ എന്നിവ വാഗ്ദാനം ചെയ്യുന്നു. നിക്ഷേപത്തിൽ പരിചയമില്ലാത്തവർക്കും ഈ ആപ്പ് ഉപയോഗിച്ച് എളുപ്പത്തിൽ നിക്ഷേപം നടത്താൻ സാധിക്കും. ഷെയറുകൾ, ഡെറിവേറ്റീവുകൾ, മ്യൂച്വൽ ഫണ്ടുകൾ, ഇടിഎഫുകൾ, എസ്എംഇ സ്റ്റോക്കുകൾ, ഐപിഒകൾ എന്നിങ്ങനെയുള്ള എല്ലാ നിക്ഷേപ ഓപ്ഷനുകളും വ്യത്യസ്ത ഗ്രൂപ്പുകളായി ആപ്പിന്റെ ഇന്റർഫേസിൽ ക്രമീകരിച്ചിട്ടുണ്ട്. ഈ ക്രമീകരണം ഉപയോക്താക്കളെ വേഗത്തിലും എളുപ്പത്തിലും നിക്ഷേപ തീരുമാനങ്ങൾ എടുക്കാൻ സഹായിക്കും.
‘സ്റ്റോക്ക്ഫിൻ 2.0’ ഉപയോക്താക്കളെ എളുപ്പത്തിൽ നിക്ഷേപിക്കാനും, നിക്ഷേപങ്ങളെ മനസ്സിലാക്കി പണം സുരക്ഷിതമായി വളർത്താനും സഹായിക്കുമെന്ന് സ്റ്റോക്ക്ഹോൾഡിംഗ് സർവീസസ് എംഡിയും സിഇഒയുമായ പ്രഭാത് കുമാർ ദുബെ പറഞ്ഞു. വിശ്വസനീയവും, ഉപയോക്തൃ-സൗഹൃദവുമായ നിക്ഷേപ പ്ലാറ്റ്ഫോം വഴി ഓരോ ഇന്ത്യക്കാരനെയും ശാക്തീകരിക്കാനുള്ള കമ്പനിയുടെ പ്രതിബദ്ധതയുടെ ഭാഗമായാണ് ‘സ്റ്റോക്ക്ഫിൻ 2.0’ അവതരിപ്പിച്ചതെന്ന് അദ്ദേഹം കൂട്ടിച്ചേർത്തു.
Julie John
