വലപ്പാട്- റിപ്പോ നിരക്ക് 5.25 ശതമാനത്തില് മാറ്റമില്ലാതെ നില നിര്ത്താനും നിഷ്്പക്ഷ പണ നയം തുടരാനുമുള്ള റിസര്വ് ബാങ്ക് പണ നയ സമിതിയുടെ തീരുമാനം രാജ്യത്തിന്റെ സാമ്പത്തിക ഭദ്രതയിലുള്ള വിശ്വാസത്തിന് അടിവരയിടുന്നതായി മണപ്പുറം ഫിനാന്സ് എംഡിയും ചെയര്മാനുമായ വി പി നന്ദകുമാര് അഭിപ്രായപ്പെട്ടു. 2026 സാമ്പത്തിക വര്ഷത്തെ ജിഡിപി വളര്ച്ചാ നിരക്ക് വര്ധനയും വിലക്കയറ്റം മിതമായിരിക്കുമെന്ന നിഗമനവും സുസ്ഥിര വായ്പാ വളര്ച്ചയ്ക്കും ബിസിനസിനും അനുകൂലമാണ്.
വന്കിട എന്ബിഎഫ്സി-ഐസിസി സ്ഥാപനങ്ങള്ക്ക് ശാഖകളുടെ എണ്ണം കൂട്ടാന് മുന്കൂര് അനുമതി വേണമെന്ന നിബന്ധന ഒഴിവാക്കാനുള്ള ആര്ബിഐ നിര്ദ്ദേശം ഞങ്ങള് ഹാര്ദ്ദമായി സ്വാഗതം ചെയ്യുന്നു. നന്നായി നടക്കുന്ന ബാങ്കിംഗ് ഇതര ധനകാര്യ കമ്പനികളിലുള്ള വിശ്വാസം വര്ധിപ്പിയ്ക്കാന് ഈ നടപടി പര്യാപ്തമാണ്. ഉത്തരവാദിത്തത്തോടെ പ്രവര്ത്തിക്കുന്ന വായ്പാ സ്ഥാപനങ്ങള് കൂടുതല് കാര്യ ക്ഷമമാക്കാനും നഗര ഗ്രാമ വ്യത്യാസമില്ലാതെ താഴേക്കിടയിലുള്ളവരിലേക്കു സേവനം എത്തിക്കാനും ഇതു സഹായിക്കും.
എംഎസ്എംഇ വിഭാഗത്തില് പെട്ട വ്യവസായങ്ങള്ക്ക് ജാമ്യമില്ലാ വായ്പയായി അനുവദിക്കാവുന്ന തുക 20 ലക്ഷം രൂപയായി വര്ധിപ്പിച്ചതും ലീഡ് ബാങ്ക് പദ്ധതിക്കു കീഴില് ഏകീകൃത പോര്ട്ടലിനു രൂപം നല്കാനുള്ള നീക്കവും പ്രാധാന്യമുള്ള നടപടികളാണ്. ഈ നീക്കം വായ്പ എളുപ്പം ലഭ്യമാക്കാനും ചെറുകിട വ്യാപാരികള്ക്കും സംരംഭകര്ക്കും സാമ്പത്തിക പിന്തുണ ഉറപ്പാക്കാനും സകലരേയും ഉള്പ്പെടുത്തിയുള്ള സുസ്ഥിര സാമ്പത്തിക വളര്ച്ച സാധ്യമാക്കാനും ലക്ഷ്യമിടുന്നു. മണപ്പുറം ഫിനാന്സിന്റെ പങ്കാളിത്തം ഏറ്റവും കൂടുതലുള്ള മേഖലകളാണിത്.
Asha Mahadevan
