ഹൂസ്റ്റൺ : ഹൂസ്റ്റണിലെ ഗലേറിയ ഏരിയയിലുണ്ടായ വാഹനാപകടത്തിൽ രണ്ട് സ്ത്രീകൾ കൊല്ലപ്പെട്ടു. ചൊവ്വാഴ്ച ഉച്ചകഴിഞ്ഞ് നടന്ന അപകടത്തിൽ പരിക്കേറ്റ മറ്റ് രണ്ട് സ്ത്രീകളെ ഗുരുതരാവസ്ഥയിൽ ആശുപത്രിയിൽ പ്രവേശിപ്പിച്ചു.
ഒരു ടെസ്ല സൈബർട്രക്കും വൈറ്റ് ബ്യൂക്ക് സെഡാനും തമ്മിലാണ് കൂട്ടിയിടിച്ചത്.
ബ്യൂക്ക് കാർ കവലയിൽ നിർത്താതെ വന്നതാണ് അപകടത്തിന് കാരണമെന്ന് പ്രാഥമിക അന്വേഷണത്തിൽ സൂചനയുണ്ട്. സൈബർട്രക്ക് അമിതവേഗതയിലായിരുന്നോ എന്നും പോലീസ് പരിശോധിക്കുന്നുണ്ട്.
സൈബർട്രക്ക് ഓടിച്ചിരുന്ന വ്യക്തി പോലീസിനോട് സഹകരിക്കുന്നുണ്ട്. ഹൂസ്റ്റൺ പോലീസ് വെഹിക്കുലാർ ക്രൈംസ് വിഭാഗം സ്ഥലത്തെത്തി അന്വേഷണം ആരംഭിച്ചു.
