തൃശൂര്- ചെറുതുരുത്തി ജ്യോതി എഞ്ചിനീയറിംഗ് കോളേജിന്റെ 24ാം വാര്ഷികം മണപ്പുറം ഫിനാന്സ് ലിമിറ്റഡ് എംഡിയും കോഴിക്കോട് ഐഐഎം ഗവേണിംഗ് ബോഡി ചെയര്മാനുമായ വി പി നന്ദകുമാര് ഉദ്ഘാടനം ചെയ്തു. കോളേജ് സാങ്കേതിക മാഗസിന് ‘യുക്തി-2026’ ന്റെ പ്രകാശനവും അദ്ദേഹം നിര്വഹിച്ചു. സാങ്കേതിക മേഖലയിലെ നൂതന മാറ്റങ്ങള് ഉള്ക്കൊണ്ട് മികച്ച തൊഴില് സംസ്കാരം കെട്ടിപ്പടുക്കാന് വിദ്യാര്ത്ഥികള്ക്ക് സാധിക്കണമെന്ന് ഉദ്ഘാടന പ്രസംഗത്തില് നന്ദകുമാര് ഉദ്ബോധിപ്പിച്ചു.
അക്കാദമിക് ഡയറക്ടര് റവ. ഡോ. ജോസ് കണ്ണമ്പുഴയുടെ അദ്ധ്യക്ഷതയില് നടന്ന ചടങ്ങില് പ്രിന്സിപ്പല് ഡോ.സോജന് ലാല് റിപ്പോര്ട്ടവതരിപ്പിച്ചു. കോളേജ് യൂന്യന് വൈസ് ചെയര് പേഴ്സണ് അഞ്ജന രാജന് സ്വാഗതവും രജിസ്ട്രാര് ഡോ.വിഎം സേവ്യര് നന്ദിയും പറഞ്ഞു. മണപ്പുറം ഫിനാന്സ് സീനിയര് പിആര്ഒ അഷ്റഫ് കെഎം ചടങ്ങില് സന്നിഹിതനായിരുന്നു. ഉച്ചയ്ക്കു ശേഷം നടന്ന പ്രത്യേക സെഷനില് വി പി നന്ദകുമാര് അധ്യാപകരും വിദ്യാര്ത്ഥികളുമായി സംവദിച്ചു.
വി പി നന്ദകുമാര്, ഫാ.ഡേവിഡ് നെറ്റിക്കാടന്, റവ.ഡോ. ജോസ് കണ്ണമ്പുഴ, ഡോ. പി സോജന് ലാല് എന്നിവര് വിവിധ അവാര്ഡുകള് വിതരണം ചെയ്തു. ഡോ.വിഎം സേവ്യര് ഓവറോള് ചാംപ്യന്മാര്ക്കുള്ള ട്രോഫിയും ചിത്ര ശാല ഫിലിം ക്ലബ്ബ് അവാര്ഡും നല്കി. യുക്തി-2026 മത്സരങ്ങളില് വിജയിച്ചവരേയും കാര്പെന്റര് ടീമിനേയും ചടങ്ങില് ആദരിച്ചു.
Asha Mahadevan
