കേരള ലെജിസ്ലേറ്റീവ് അസംബ്ലി മീഡിയ ആൻഡ് പാർലമെന്ററി സ്റ്റഡി സെന്റർ (പാർലമെന്ററി സ്റ്റഡീസ്) ന്റെ ആഭിമുഖ്യത്തിൽ നടത്തുന്ന സർട്ടിഫിക്കറ്റ് കോഴ്സ് ഇൻ പാർലമെന്ററി സ്റ്റഡീസ് ആദ്യ ബാച്ചിന്റെ എഴുത്തുപരീക്ഷ മെയ് 3-ന് തിരുവനന്തപുരം കേന്ദ്രമായി നടത്തും.
പരീക്ഷയ്ക്കുള്ള അപേക്ഷ K-LAMPS e-portal മുഖേന ഫീസ് വിശദാംശത്തോടൊപ്പം സമർപ്പിക്കണം. അപേക്ഷ ഏപ്രിൽ 16 വരെ പിഴയില്ലാതെയും ഏപ്രിൽ 20 വരെ പിഴയോടുകൂടിയും പരീക്ഷാഫീസ് അടച്ച് സമർപ്പിക്കാം. പട്ടികജാതി പട്ടികവർഗ്ഗ വിഭാഗത്തിൽപ്പെട്ട പഠിതാക്കളെ പരീക്ഷാഫീസ് അടയ്ക്കുന്നതിൽ നിന്നും ഒഴിവാക്കിയിട്ടുണ്ട്. കൂടുതൽ വിവരങ്ങൾക്ക് : www.niyamasabha.org .
