വടകര- തണല് ഡയാലിസിസ് സെന്ററില് സ്ഥാപിച്ച 250 കെവിഎ ഡീസല് ജനറേറ്ററിന്റെ ഉദ്ഘാടനം മണപ്പുറം ഫൗണ്ടേഷന് മാനേജിംഗ് ട്രസ്റ്റി വി പി നന്ദകുമാര് നിര്വഹിച്ചു. തണല് ദയ റീഹാബിറ്റേഷന് സെന്ററിന്റെ കീഴിലാണ് തണല് ഡയാലിസിസ് സെന്റര് പ്രവര്ത്തിക്കുന്നത്. മണപ്പുറം ഇന്ഷുറന്സ് ബ്രോക്കേഴ്സ് ലിമിറ്റഡിന്റെ പിന്തുണയോടെയാണ് പദ്ധതി നടപ്പിലാക്കിയത്. സെന്ററിലെ വൈദ്യുതി പ്രവാഹം കാര്യക്ഷമമാക്കി രോഗികള്ക്ക് വിഘ്നമില്ലാതെ ചികിത്സ ലഭ്യമാക്കുന്നതിനാണ് ജനറേറ്റര് സ്ഥാപിച്ചതെന്ന് വി പി നന്ദകുമാര് പറഞ്ഞു.
തണല് വടകര പ്രസിഡന്റ് റഫീഖ് എഞ്ചിനീയര് അധ്യക്ഷത വഹിച്ച ചടങ്ങില് മണപ്പുറം ഫൗണ്ടേഷന് സിഇഒ ജോര്ജ്ജ് ഡി ദാസ്, തണല് സെക്രട്ടറി ടി ഐ നാസര്, മണപ്പുറം ഫിനാന്സ് ചീഫ് പിആര്ഒ സനോജ് ഹെര്ബര്ട്ട്, സീനിയര് പി ആര്ഒ കെഎം അഷറഫ്, ലയണ്സ് ഡിസ്ട്രിക്റ്റ് 318 ഇ ഗവര്ണര് രവി ഗുപ്ത, മണപ്പുറം ഇന്ഷുറന്സ് ബ്രോക്കേഴ്സ് സെയില്സ് ഹെഡ് ചന്ദ്രന് ഇ പി, ലയണ്സ് പാസ്റ്റ് ഡിസ്ട്രിക്റ്റ് ഗവര്ണര് സി എ സുജിത്, വിനീഷ് വിദ്യാധരൻ,ഫൗണ്ടേഷന്, തണല് കോഡിനേറ്റര് സജ്ന, ഫൗണ്ടേഷന് പ്രതിനിധികളായ ഷിനിത ആഷിക്, അഖില പി എല് എന്നിവര് പങ്കെടുത്തു.
—
