പ്രതീക്ഷിച്ചതു പോലെ, പലിശ നിരക്ക് 5.25 ശതമാനത്തില് തന്നെ നില നിര്ത്താനും ന്യൂട്രല് നിലപാട്
തുടരാനുമുള്ള ആര്ബിഐ പണ നയ സമിതിയുടെ (MPC) തീരുമാനം, വര്ധിച്ച ആഗോള അനിശ്ചിതത്വങ്ങള്ക്കു നടുവില് ജാഗ്രതയോടെ കൈക്കൊണ്ടതാണെന്ന് മണപ്പുറം ഫിനാന്സ് ലിമിറ്റഡ് ചെയര്മാനും മാനേജിംഗ് ഡയറക്ടറുമായ വി പി നന്ദകുമാര് അഭിപ്രായപ്പെട്ടു.
ആഭ്യന്തര സാമ്പത്തിക നില ഭദ്രമാണെങ്കിലും, ക്രൂഡോയിലിനും ഇതര ഉല്പന്നങ്ങള്ക്കും വില വര്ധിക്കാനും വിതരണം തടസ്സപ്പെടാനുമുള്ള സാധ്യതയാണ് എംപിസി പരിഗണിച്ചത്. വിലക്കയറ്റ നിരക്ക് നിശ്ചിത പരിധിക്കുള്ളി ലാണെങ്കിലും മാറുന്ന ആഗോള സ്ഥിതിഗതികള് നിതാന്ത ജാഗ്രത ആവശ്യപ്പെടുന്നുണ്ട്.
എംപിസി നയം ഭദ്രത ഉറപ്പു തരുമ്പോഴും, മാറുന്ന വളര്ച്ചാ-വിലക്കയറ്റ സ്ഥിതിഗതികളോടു പ്രതികരിക്കാനുള്ള വഴക്കവും പ്രകടമാണ്. നിയമ നടപടികള് കാര്യക്ഷമമാക്കുന്നതിലും ബിസിനസ് ചെയ്യാനുള്ള സാഹചര്യം മെച്ചപ്പെടുത്തുന്നതിലും നല്കുന്ന ഊന്നല് ധനകാര്യ സ്ഥാപനങ്ങളുടെ വായ്പാ വളര്ച്ചയും പ്രവര്ത്തനത്തിലെ കാര്യ ക്ഷമതയും ഉറപ്പാക്കുന്നു. ഇത് വിശാല സാമ്പത്തിക പരിസ്ഥിതി ശക്തിപ്പെടുത്താന് സഹായിക്കും.
എംഎസ്എംഇ സ്ഥാപനങ്ങള്ക്കുള്ള സാമ്പത്തിക പിന്തുണ ഉറപ്പാക്കാനും ധന വിപണിയില് പങ്കാളിത്തം വ്യാപകമാക്കാനുമുള്ള നടപടികള് പണ ലഭ്യത വര്ധിപ്പിക്കാനും വായ്പാ വളര്ച്ച നില നിര്ത്താനും സഹായിക്കും. അദ്ദേഹം വിലയിരുത്തി.
Asha Mahadevan
