ഓസ്റ്റിൻ : ടെക്സസ്സിൽ ചൊവ്വാഴ്ച രാത്രി നടന്ന റിപ്പബ്ലിക്കൻ റൺ-ഓഫ് പ്രൈമറിയിൽ അറ്റോർണി ജനറൽ കെൻ പാക്സ്റ്റൺ നിലവിലെ സെനറ്ററും മുതിർന്ന നേതാവുമായ ജോൺ കോർണിനെ പരാജയപ്പെടുത്തി. 23 വർഷമായി കോൺഗ്രസ് അംഗമായിരുന്ന കോർണിന്റെ പരാജയം റിപ്പബ്ലിക്കൻ പാർട്ടിയിൽ വലിയ രാഷ്ട്രീയ ചലനമാണ് ഉണ്ടാക്കിയിരിക്കുന്നത്. ഡൊണാൾഡ് ട്രംപിന്റെ പിന്തുണയോടെയാണ് പാക്സ്റ്റൺ ഈ വിജയം നേടിയത്.
വരുന്ന നവംബറിൽ നടക്കുന്ന പൊതുതെരഞ്ഞെടുപ്പിൽ ഡെമോക്രാറ്റിക് സ്ഥാനാർത്ഥി ജെയിംസ് തലാരിക്കോയുമായാണ് പാക്സ്റ്റൺ ഏറ്റുമുട്ടുക. യു.എസ്. സെനറ്റിന്റെ നിയന്ത്രണം ആർക്കെന്ന് നിശ്ചയിക്കുന്നതിൽ ഈ മത്സരഫലം നിർണായകമാകും.
