തിരുവനന്തപുരം: കേന്ദ്ര ആരോഗ്യ മന്ത്രാലയത്തിനു കീഴിലുള്ള മിനിരത്ന പൊതുമേഖലാ സ്ഥാപനമായ എച്ച്എൽഎൽ ലൈഫ്കെയർ ലിമിറ്റഡിന്റെ (എച്ച്എൽഎൽ) ഫാർമസികളെ മികവുറ്റ പരിചരണ കേന്ദ്രങ്ങളാക്കി (Pharmaceutical Care Centres of Excellence) ഉയർത്തുന്നതിന്റെ ഭാഗമായി ഫാർമസ്യൂട്ടിക്കൽ കെയർ കോൺക്ലേവ് സംഘടിപ്പിച്ചു. ഫാർമസി ജീവനക്കാരുടെ നൈപുണ്യവും തൊഴിൽപരമായ മികവും വർധിപ്പിച്ച്, രോഗികൾക്ക് നൽകുന്ന സേവനങ്ങളുടെ നിലവാരം മെച്ചപ്പെടുത്തുകയാണ് കോൺക്ലേവിലൂടെ ലക്ഷ്യമിടുന്നത്.
എച്ച്എൽഎല്ലും ഇന്ത്യൻ ഫാർമസ്യൂട്ടിക്കൽ അസോസിയേഷനും (കേരള സംസ്ഥാന ശാഖ) സംയുക്തമായി കോവളം ഉദയ് സമുദ്രയിൽ സംഘടിപ്പിച്ച കോൺക്ലേവ് എച്ച്എൽഎൽ ചെയർപേഴ്സണും മാനേജിങ് ഡയറക്ടറുമായ ഡോ. അനിത തമ്പി ഉദ്ഘാടനം ചെയ്തു.
എച്ച്എൽഎല്ലിന്റെ ഡയറക്ടർ (ടെക്നിക്കൽ ആൻഡ് ഓപ്പറേഷൻസ്) ബെന്നി ജോസഫ്, വൈസ് പ്രസിഡന്റ് (എച്ച്ആർ) ഡോ. രാജേഷ് രാമകൃഷ്ണൻ, അസോസിയേറ്റ് വൈസ് പ്രസിഡന്റ് (എച്ച്ആർ) സുരേഷ് ബാബു പി എം, ഇന്ത്യൻ ഫാർമസ്യൂട്ടിക്കൽ അസോസിയേഷൻ(ഐപിഎ-കേരള) പ്രസിഡന്റ് ഡോ. പി. ജയശേഖർ, വൈസ് പ്രസിഡന്റ് എം പി ജോർജ്, ഓണററി സെക്രട്ടറി ഡോ. ജോൺ ജോസഫ്, അസോസിയേഷൻ പ്രതിനിധികൾ, എച്ച്എൽഎല്ലിലെ ഉദ്യോഗസ്ഥർ, ജീവനക്കാർ തുടങ്ങിയവർ ചടങ്ങിൽ പങ്കെടുത്തു.
വിദഗ്ധരുടെ നേതൃത്വത്തിൽ പ്രൊഫഷണൽ സെഷനുകളും സംഘടിപ്പിച്ചു. പ്രൊഫഷണൽ വികസന പരിപാടിയുടെ ഭാഗമായി നടത്തിയ കോഴ്സ് വിജയകരമായി പൂർത്തിയാക്കിയ 89 പേർക്ക് സർട്ടിഫിക്കറ്റുകളും ചടങ്ങിൽ വിതരണം ചെയ്തു.
Photo Caption: പ്രൊഫഷണൽ വികസന പരിപാടിയുടെ ഭാഗമായി നടത്തിയ കോഴ്സ് വിജയകരമായി പൂർത്തിയാക്കിയവർക്ക് എച്ച്എൽഎൽ ചെയർപേഴ്സണും മാനേജിങ് ഡയറക്ടറുമായ ഡോ. അനിത തമ്പി സർട്ടിഫിക്കറ്റ് വിതരണം ചെയ്യുന്നു. എച്ച്എൽഎൽ ഡയറക്ടർ (ടെക്നിക്കൽ ആൻഡ് ഓപ്പറേഷൻസ്) ബെന്നി ജോസഫ് സമീപം.
Julie John
