തിരുവനന്തപുരം : കേന്ദ്ര ആരോഗ്യ-കുടുംബക്ഷേമ മന്ത്രാലയത്തിന് കീഴിലുള്ള മിനി രത്ന പൊതുമേഖലാ സ്ഥാപനമായ എച്ച്എൽഎൽ ലൈഫ്കെയർ ലിമിറ്റഡിലെ (എച്ച്എൽഎൽ) ഓണാഘോഷ പരിപാടികൾക്ക് വർണാഭമായ തുടക്കം. എച്ച്എൽഎൽ കോർപ്പറേറ്റ് ഹെഡ് ഓഫീസിൽ നടന്ന ചടങ്ങിൽ കമ്പനി സിഎംഡി ഡോ. അനിത തമ്പി ആഘോഷങ്ങളുടെ ഉദ്ഘാടനം നിർവഹിച്ചു.
ആഘോഷങ്ങളുടെ ഭാഗമായി തയ്യാറാക്കിയ 360 ഡിഗ്രി ഫോട്ടോ ബൂത്ത് ഏവരുടെയും ശ്രദ്ധയാകർഷിച്ചു. ജീവനക്കാർക്കായി സംഘടിപ്പിച്ച ഫിഫ ലോകകപ്പ് പ്രവചന മത്സരത്തിലെ വിജയികൾക്കുള്ള സമ്മാനദാനവും സിഎംഡി നിർവ്വഹിച്ചു. കമ്പനി ഡയറക്ടർമാരായ അജിത് എൻ., രമേഷ് പി., ബെന്നി ജോസഫ് എന്നിവരും ചടങ്ങിൽ പങ്കെടുത്തു.
ഓണാഘോഷങ്ങളുടെ ഭാഗമായി അത്തപ്പൂക്കള മത്സരം, റീൽസ് മത്സരം, ഫാഷൻ ഷോ തുടങ്ങിയ വിവിധ മത്സരങ്ങളും സ്ഥാപനത്തിൽ സംഘടിപ്പിച്ചു. വരും ദിവസങ്ങളിലും വിപുലമായ ഓണപരിപാടികളാണ് കമ്പനിയുടെ വിവിധ യൂണിറ്റുകളിലെ ജീവനക്കാർക്കായി ക്രമീകരിച്ചിരിക്കുന്നത്.
Photo 1: എച്ച്എൽഎല്ലിന്റെ ഓണാഘോഷ പരിപാടികൾ കോർപ്പറേറ്റ് ആസ്ഥാനത്ത് സിഎംഡി ഡോ. അനിത തമ്പി ഉദ്ഘാടനം ചെയ്യുന്നു. ഡയറക്ടർമാരായ അജിത് എൻ (മാർക്കറ്റിങ്), ബെന്നി ജോസഫ് (ടെക്നിക്കൽ ആൻഡ് ഓപ്പറേഷൻസ്) എന്നിവർ സമീപം.
Photo 2: എച്ച്എൽഎല്ലിന്റെ ഓണാഘോഷ പരിപാടികൾ കോർപ്പറേറ്റ് ആസ്ഥാനത്ത് സിഎംഡി ഡോ. അനിത തമ്പി ഉദ്ഘാടനം ചെയ്യുന്നു.
Vishnuprasad K P
