പാർക്കർ കൗണ്ടി(ടെക്സസ്): ടെക്സസ് സംസ്ഥാനത്ത് പാർക്കർ കൗണ്ടിയിലുണ്ടായ കനത്ത തീപിടിത്തത്തിൽ മൂന്ന് പേർ ദാരുണമായി കൊല്ലപ്പെട്ടു.
ലേക്ക് കൺട്രി ഡ്രൈവിലുള്ള ഒരു ഇരുനില വീട്ടിലാണ് തിങ്കളാഴ്ച രാത്രി തീപിടിത്തമുണ്ടായത്.
രാത്രി 10 മണിക്ക് തൊട്ടുമുമ്പ് വിവരം ലഭിച്ചതിനെ തുടർന്ന് എമർജൻസി സർവീസസ് ഡിസ്ട്രിക്റ്റ് 6 ഉദ്യോഗസ്ഥർ സ്ഥലത്തെത്തി തീയണക്കാൻ ശ്രമം നടത്തി.
വീടിനുള്ളിൽ നടത്തിയ തിരച്ചിലിൽ മൂന്ന് പേരുടെ മൃതദേഹങ്ങൾ കണ്ടെത്തുകയും, മൂവരും സംഭവസ്ഥലത്ത് വെച്ച് തന്നെ മരണപ്പെട്ടതായി സ്ഥിരീകരിക്കുകയും ചെയ്തു.
തീപിടിത്തത്തിനുള്ള യഥാർത്ഥ കാരണം എന്താണെന്ന് വ്യക്തമല്ല. പാർക്കർ കൗണ്ടി ഫയർ മാർഷലിന്റെ നേതൃത്വത്തിൽ അന്വേഷണം പുരോഗമിക്കുകയാണ്. മരിച്ചവരെക്കുറിച്ചുള്ള കൂടുതൽ വിവരങ്ങൾ അധികൃതർ ഇതുവരെ പുറത്തുവിട്ടിട്ടില്ല.
