കൊച്ചി: ഇന്ത്യയിലെ മുൻനിര അസറ്റ് മാനേജ്മന്റ് കമ്പനിയായ ഡി എസ് പി അസറ്റ് മാനേജേഴ്സ് പ്രൈവറ്റ് ലിമിറ്റഡിന്റെ വിതരണ വിഭാഗം മേധാവിയായി കോമൾ നാരംഗിനെ നിയമിച്ചു. നിലവിലെ മേധാവിയായിരുന്ന ഉഷാ നായർ വിരമിച്ചതിനെ തുടർന്നാണ് നിയമനം. സാമ്പത്തിക സേവന മേഖലയിൽ ഇരുപത് വർഷത്തെ പ്രവൃത്തി പരിചയമുള്ള കോമൾ നാരംഗ്, നിലവിൽ ജിയോ ബ്ലാക്ക് റോക്ക് മ്യൂചൽ ഫണ്ടിന്റെ സെയിൽസ്, മാർക്കറ്റിംഗ്, ഡിജിറ്റൽ വിഭാഗം ചീഫ് ക്ലന്റ് ഓഫീസറാണ്. ഐസിഐസിഐ പ്രുഡൻഷ്യൽ അസറ്റ് മാനേജ്മന്റ്, കൊട്ടക്ക് ലൈഫ് ഇൻഷുറൻസ്, ഇന്ത്യബുൾസ് എന്നിവിടങ്ങളിൽ സേവനമനുഷ്ഠിച്ചിട്ടുണ്ട്.
നിക്ഷേപക വിഭാഗവുമായി ദീർഘകാല ബന്ധം രൂപപ്പെടുത്തുന്നതിനും കമ്പനിയുടെ വളർച്ചയിൽ നിർണായ പങ്കു വഹിക്കുന്നതിനും കോമൾ നാരംഗിന്റെ അനുഭവ പരിജ്ഞാനം മുതൽക്കൂട്ടാകുമെന്നു ഡി എസ് പി അസറ്റ് മാനേജേഴ്സ് എംഡിയും സിഇഒയുമായ കൽപൻ പരേഖ് പറഞ്ഞു. മികച്ച ബിസിനസ് വളർച്ച ഉറപ്പാക്കുന്നതിന് കമ്പനിയുടെ നിക്ഷേപ കേന്ദ്രീകൃത കാഴ്ചപ്പാടിന് അനുസൃതമായി പ്രവർത്തിക്കുമെന്ന് കോമൾ നാരംഗ് പ്രതികരിച്ചു.
Athulya Raj K R
