സംസ്ഥാനത്തിന്റെ ജി.ഡി.പിക്ക് മുതല്ക്കൂട്ടാവുന്ന രീതിയില് കണ്ണൂര് എയര്പോര്ട്ട് ഉള്പ്പെടെയുള്ള സംസ്ഥാനത്തെ വിമാനത്താവളങ്ങളെ ഏവിയേഷന് ഹബ്ബാക്കി മാറ്റുന്നതിനുള്ള തീരുമാനം സര്ക്കാര് സ്വീകരിച്ചിട്ടുണ്ട്.
കണ്ണൂര് വിമാനത്താവളത്തിന് ‘പോയിന്റ് ഓഫ് കോള്’ പദവി ഇല്ലാത്തതുകൊണ്ട് അന്താരാഷ്ട്ര സര്വീസുകള് ഉള്പ്പെടെ നടത്താന് പറ്റാത്ത സ്ഥിതിയുണ്ട്. ഇത് പരിഹരിക്കും.
പൈലറ്റുമാരുടെ കുറവ് പരിഹരിക്കാന് കണ്ണൂരില് പൈലറ്റ് പരിശീലന കേന്ദ്രം ആരംഭിക്കും. ഹെലികോപ്റ്റര് പൈലറ്റ് ട്രെയിനിംഗ് സെന്റര്, എയര്ക്രാഫ്റ്റ് മെയിന്റനന്സ് സംവിധാനം, സിമുലേറ്റര് ട്രെയിനിംഗ് കേന്ദ്രം എന്നിവയും ആരംഭിച്ച് കണ്ണൂര് വിമാനത്താവളത്തെ ഏവിയേഷന് ഹബ്ബാക്കി മാറ്റും.
രണ്ടാം ഘട്ട റണ്വേ വികസനത്തിനായി വിജ്ഞാപനം പുറപ്പെടുവിച്ച 240 ഏക്കര് ഭൂമി അനുയോജ്യമാണോയെന്ന് പരിശോധിച്ച് പ്രദേശവാസികളുടെ പ്രശ്നങ്ങള്ക്ക് രണ്ട് മാസത്തിനുള്ളില് പരിഹരിക്കും.
വിമാനത്താവളത്തില് പുതുതായി ആരംഭിച്ച അന്താരാഷ്ട്ര എയര് കാര്ഗോ കോംപ്ലക്സ്, 4 മെഗാവാട്ട് സോളാര് പവര് പ്രോജക്ട് എന്നിവ ഉദ്ഘാടനം ചെയ്തു.
