കൊച്ചി : രാജ്യത്തെ യുവ പ്രൊഫഷണലുകൾ, സംരംഭകർ, ശമ്പളക്കാരായ ഉദ്യോഗസ്ഥർ തുടങ്ങി അഭിവൃദ്ധി ലക്ഷ്യമിടുന്ന വ്യക്തികൾക്കായി ഫെഡറൽ ബാങ്ക് വെർട്ടോ സേവിങ്സ് അക്കൗണ്ട് അവതരിപ്പിച്ചു. ലക്ഷ്യബോധമുള്ള പുതുതലമുറയ്ക്ക് സാമ്പത്തികസ്ഥിരത ഉറപ്പാക്കുന്നതിന്റെ ഭാഗമായാണ് പുതിയ സ്‌കീം അവതരിപ്പിച്ചത്. ഭക്ഷണം, ഫാഷൻ, വിമാനയാത്ര എന്നിവയ്ക്ക് ഡെബിറ്റ് കാർഡ് ഉപയോഗിച്ച് പണം ചെലവാക്കുമ്പോൾ 5 ശതമാനം ക്യാഷ്ബാക്ക് ലഭിക്കുമെന്നാണ് വെർട്ടോ അക്കൗണ്ടിന്റെ സവിശേഷത. കൂടാതെ, 35 ലക്ഷം രൂപവരെയുള്ള സൗജന്യ ഇൻഷുറൻസ് കവറേജ്, ആഭ്യന്തര വിമാനത്താവളങ്ങളിലെ ലോഞ്ച് സൗകര്യം, ഇളവുകളോടെയുള്ള ബാങ്ക് ലോക്കർ സൗകര്യം, വിദേശത്തേക്ക് പണം അയക്കുമ്പോഴുള്ള ഇളവുകൾ, വിപണി വിവരങ്ങൾ, സാമ്പത്തിക വളർച്ചയ്ക്ക് അനുഗുണമായ നിർദേശങ്ങൾ തുടങ്ങിയവയ്‌ക്കൊപ്പം അക്കൗണ്ട് ഉടമയുടെ പങ്കാളിക്കും കുട്ടികൾക്കും സവിശേഷ സൗകര്യങ്ങളും വെർട്ടോയിൽ ലഭ്യമാണ്.
പണം സൂക്ഷിക്കാനുള്ള ഒരിടം മാത്രമായിട്ടല്ല തങ്ങളുടെ ജീവിതരീതി മനസ്സിലാക്കുകയും, ലക്ഷ്യങ്ങൾ തിരിച്ചറിയുകയും, കാലത്തിനനുസരിച്ച് മാറുന്ന സാമ്പത്തിക ആവശ്യങ്ങൾ ഉൾക്കൊള്ളുകയും ചെയ്യുന്ന ഒരു ബാങ്കിനെയാണ് ഇടപാടുകാർ ആഗ്രഹിക്കുന്നതെന്ന് ഫെഡറൽ ബാങ്കിന്റെ കൺസ്യുമർ ബാങ്കിങ് വിഭാഗം നാഷണൽ ഹെഡ് വിരാട് സുനിൽ ദിവാൻജി പറഞ്ഞു. ദൈനംദിന ജീവിതത്തിൽ മൂല്യം പകരുന്ന സേവനങ്ങൾ, പ്രസക്തമായ ആനുകൂല്യങ്ങൾ, ബാങ്കുമായുള്ള തങ്ങളുടെ സാമ്പത്തിക ബന്ധത്തെക്കുറിച്ച് കൂടുതൽ വ്യക്തമായ കാഴ്ചപ്പാട് എന്നിവ മനസ്സിൽ കണ്ടുകൊണ്ടാണ് വെർട്ടോ രൂപകൽപ്പന ചെയ്തിരിക്കുന്നത്. ഇടപാടുകാർക്കൊപ്പം വളരുകയും അവരുടെ സാമ്പത്തിക യാത്രയിൽ കൂടുതൽ അർത്ഥവത്തായ പങ്കാളിയാവുകയും ചെയ്യുക എന്നതാണ് ബാങ്കിന്റെ ലക്ഷ്യം, അദ്ദേഹം കൂട്ടിച്ചേർത്തു.
Photo Caption: ഫെഡറൽ ബാങ്കിന്റെ പുതിയ സേവിംഗ്സ് അക്കൗണ്ടായ വെർട്ടോയുടെ ഡെബിറ്റ് കാർഡ് ബാങ്കിന്റെ കൺസ്യുമർ ബാങ്കിങ് വിഭാഗം നാഷണൽ ഹെഡ് വിരാട് സുനിൽ ദിവാൻജി അവതരിപ്പിക്കുന്നു. റീട്ടെയ്ൽ ലയബിലിറ്റി വിഭാഗം കൺട്രി ഹെഡും എക്സിക്യൂട്ടീവ് വൈസ് പ്രസിഡന്റുമായ ജോയ് പി വി, ബ്രാഞ്ച് ബാങ്കിങ് ഹെഡും എക്സിക്യൂട്ടീവ് വൈസ് പ്രസിഡന്റുമായ ഇക്ബാൽ മനോജ് എന്നിവർ സമീപം.
Athulya Raj K R
