ഭാരത്ഘോഷ്‌ പോർട്ടലിൽ ഇനി ബാങ്ക് ഓഫ് ഇന്ത്യയുടെ സേവനവും

Spread the love

കൊച്ചി: കേന്ദ്ര സർക്കാരിനു കീഴിലുള്ള വിവിധ മന്ത്രാലയങ്ങളിലേക്കും വകുപ്പുകളിലേക്കും പൊതുജനങ്ങൾക്ക് ഓൺലൈനായി പണമടയ്ക്കാനുള്ള ഏകീകൃത സംവിധാനമായ ഭാരത്ഘോഷ്‌ പോർട്ടലിൽ ഇനി മുതൽ ബാങ്ക് ഓഫ് ഇന്ത്യയുടെ സേവനവും ലഭിക്കും.
പൊതുജനങ്ങൾക്ക് വിവിധ വകുപ്പുകളുമായി ബന്ധപ്പെട്ട് അടക്കേണ്ട ഫീസ്, പിഴ തുക, കുടിശിക എന്നിവ ഭാരത്ഘോഷ്‌ പോർട്ടലിലെ ബാങ്ക് ഓഫ് ഇന്ത്യയുടെ ‘പേയ്മെന്റ് ഗേറ്റ്‌വേ’ വഴി അടക്കാം. ഫീസും മറ്റു നികുതി ഇതര വരുമാനവും സ്വീകരിക്കുന്നതിനായി പ്രവർത്തിക്കുന്ന ഭാരത്ഘോഷ്‌ പോർട്ടൽ ധന വകുപ്പാണ് കൈകാര്യം ചെയ്യുന്നത്. രാജ്യത്തിന്റെ ഡിജിറ്റൽ സമ്പദ്‌വ്യവസ്ഥയ്ക്ക് കരുത്തേകുകയെന്ന കേന്ദ്ര സർക്കാരിന്റെ ലക്ഷ്യത്തിന് പിന്തുണയേകുകയാണ് ഭാരത്ഘോഷ്‌ പോർട്ടലിൽ ബാങ്കിന്റെ പേയ്‌മെന്റ് സംവിധാനം ഉൾപ്പെടുത്തുന്നതിലൂടെ ബാങ്ക് ഓഫ് ഇന്ത്യ ചെയുന്നത്. ഗവൺമെന്റ് ബിസിനസ് പോർട്ട്ഫോളിയോ വിപുലീകരിക്കുന്നതിന്റെ ഭാഗമായാണ് പുതിയ സേവനം ഒരുക്കിയിരിക്കുന്നതെന്നും ബാങ്ക് അധികൃതർ വ്യക്തമാക്കി.

Julie John

 

Leave a Reply

Your email address will not be published. Required fields are marked *