രാഷ്ട്രപിതാവ് മഹാത്മ ഗാന്ധിയുടെ 154-ാം ജന്മദിനത്തോട് അനുബന്ധിച്ച് ഒക്ടോബര്‍ 2ന് രാവിലെ 10ന് കെപിസിസി ആസ്ഥാനത്ത് ഗാന്ധിജിയുടെ ഛായാചിത്രത്തില്‍ പുഷ്പാര്‍ച്ചന നടത്തുമെന്ന് കെപിസിസി ജനറല്‍ സെക്രട്ടറി ടി.യു.രാധാകൃഷ്ണന്‍ അറിയിച്ചു. കെപിസിസി പ്രസിഡന്റ് കെ.സുധാകരന്‍ എംപിയുടെ നേതൃത്വത്തില്‍ നടക്കുന്ന ഗാന്ധി ജയന്തി ആഘോഷത്തില്‍ കോണ്‍ഗ്രസ് പ്രവര്‍ത്തക സമിതി അംഗങ്ങളായ എകെ ആന്റണി, ശശി തരൂര്‍ എം പി ,കൊടിക്കുന്നില്‍ സുരേഷ് എംപി, യുഡിഎഫ് കണ്‍വീനര്‍ എംഎം ഹസ്സന്‍, കെപിസിസി ഭാരവാഹികള്‍ തുടങ്ങിയവര്‍ പങ്കെടുക്കും. ഡിസിസികളുടെയും ബ്ലോക്ക്-മണ്ഡലം കമ്മിറ്റികളുടെയും നേതൃത്വത്തില്‍ സംസ്ഥാനവ്യാപകമായി ഗാന്ധിജയന്തി ആഘോഷങ്ങള്‍ സംഘടിപ്പിക്കുമെന്നും ടി.യു.രാധാകൃഷ്ണന്‍ പറഞ്ഞു.
