ഇൻസ്റ്റിറ്റ്യൂട്ട് ഓഫ് മാനേജ്‌മന്റ് ഇൻ ഗവൺമെന്റിലെ സെന്റർ ഫോർ ഗുഡ് ഗവേർണൻസ് സംഘടിപ്പിക്കുന്ന ഉപന്യാസ രചന മത്സരത്തിലേക്ക് രചനകൾ ക്ഷണിക്കുന്നു. ഡിസംബർ 19 മുതൽ 21 വരെയുള്ള സദ്ദ്ഭരണ വാരാഘോഷത്തിന്റെ ഭാഗമായി സർക്കാർ ഉദ്യോഗസ്ഥർക്കായി ‘പൗരകേന്ദ്രീകൃതമായ ഭരണ നിർവഹണം: പരിമിതികളും സാധ്യതകളും’ എന്ന വിഷയത്തിലും ബിരുദ/ ബിരുദാനന്തര, ഗവേഷണ വിദ്യാർത്ഥികൾക്കായി ഭരണനിർവഹണ മികവ്: യാഥാർഥ്യവും പ്രതീക്ഷയും എന്ന വിഷയത്തിലുമാണ് ഉപന്യാസ രചന സംഘടിപ്പിക്കുന്നത്. ഇംഗ്ലീഷിലോ മലയാളത്തിലോ രചനകൾ നടത്താവുന്നതാണ്. കൂടുതൽ വിവരങ്ങൾക്ക് https://img.kerala.gov.in/ എന്ന വെബ്സൈറ്റ് സന്ദർശിക്കാം
