തിരുവനന്തപുരം: പ്രഥമ അന്താരാഷ്ട്ര കായിക ഉച്ചകോടിയുടെ (ISSK) രണ്ടാം ദിനത്തിൽ ത്രസിപ്പിക്കുന്ന ആവേശം വിതറി ബോക്സിംഗ് മത്സരങ്ങൾ അരങ്ങേറി. ഇന്ത്യൻ ബോക്സിംഗ് കൗൺസിലിൻ്റെ സഹകരത്തോടെ കോഴിക്കോട് ആസ്ഥാനമായി പ്രവർത്തിക്കുന്ന ബോൺഫയർ ക്ലബ്ബാണ് ബോക്സിംഗ് മത്സരങ്ങൾ സംഘടിപ്പിച്ചത്. തമിഴ്നാട്, കർണാടക, കേരളം എന്നീ മൂന്ന് സംസ്ഥാനങ്ങളിൽ നിന്നുമായി 70 ഓളം താരങ്ങളാണ് ഗ്രീൻഫീൽഡ് ഇൻഡോർ സ്റ്റേഡിയത്തിലെ മത്സരത്തിൽ പങ്കെടുത്തത്. ആൺകുട്ടികൾക്കും പെൺകുട്ടികളും പങ്കെടുത്ത മത്സരത്തിൽ 52 കിലോ മുതൽ 90 കിലോ വരയുള്ളവർക്കായി വിവിധ കാറ്റഗറികളിലായി മത്സങ്ങൾ സംഘടിപ്പിച്ചത്. മൂന്ന് മിനിറ്റ് വീതമുള്ള നാല് റൗണ്ടുകളിലാണ് മത്സരം സംഘടിപ്പിച്ചത്.
Adarsh Chandran ,
Divya Raj.K
