ഡാലസ് : സ്പ്രിംഗ് അവന്യൂവിലെ ഒരു വീട്ടിൽ നടന്ന വെടിവെപ്പിൽ ജെയിംസ് ജോൺസൺ (71), ഡാമിയൻ ഗ്രീൻ (34) എന്നീ രണ്ട് പേർ കൊല്ലപ്പെട്ട സംഭവത്തിൽ ഡാലസ് പോലീസ് അന്വേഷണം ആരംഭിച്ചു. വെടിവെപ്പ് ശബ്ദം കേട്ടതിനെ തുടർന്ന് രാത്രി 9:55-ഓടെയാണ് ഉദ്യോഗസ്ഥർ സ്ഥലത്തെത്തിയത്. അവിടെ വെടിയേറ്റ നിലയിൽ രണ്ട് പേരെയും കണ്ടെത്തുകയായിരുന്നു.
സംഭവവുമായി ബന്ധപ്പെട്ട് ഒരാളെ പോലീസ് കസ്റ്റഡിയിലെടുത്തിട്ടുണ്ട്. ഇവർ മൂന്ന് പേർക്കും പരസ്പരം അറിയാമായിരുന്നെന്ന് പോലീസ് വിശ്വസിക്കുന്നു. വെടിവെപ്പിന് മുൻപ് വീട്ടിൽ ഒരു തർക്കം നടന്നതായും കരുതുന്നു. അന്വേഷണം പുരോഗമിക്കുകയാണ്.