പ്രഥമ നെഹ്റു സെന്റര് അവാര്ഡ് മുന് മന്ത്രി ജി.സുധാകരന് സമ്മാനിക്കും.
പ്രഥമ പ്രധാനമന്ത്രി ജവഹര്ലാല് നെഹ്റുവിന്റെ 136-ാം ജയന്തിയും നെഹ്റു സെന്ററിന്റെ 47-ാം വാര്ഷികവും നനംബര് 14ന് വിപുലമായ പരിപാടികളോടെ ആഘോഷിക്കുമെന്ന് നെഹ്റു സെന്റര് ജനറല് സെക്രട്ടറി എംആര് തമ്പാന് അറിയിച്ചു.
രാവിലെ 10ന് തിരുവനന്തപുരം പ്രസ്സ് ക്ലബില് സംഘടിപ്പിക്കുന്ന പരിപാടിയില്
നെഹ്റുവിയന് ആയങ്ങളില് അടിയുറച്ച് പ്രവര്ത്തിക്കുകയും വിശ്വസിക്കുകയും ചെയ്യുന്ന രാഷ്ട്രീയ-സാമൂഹ്യ-കലാ-സാംസ്കാരിക-ശാസ്ത്ര- സാങ്കേതിക -വിദ്യാഭ്യാസ രംഗത്തെ പ്രമുഖ വ്യക്തിത്വങ്ങളെ ആദരിക്കുന്നതിന്റെ ഭാഗമായി നെഹ്റു സെന്റര് പ്രഥമ അവാര്ഡ് മുന് മന്ത്രിയും സിപിഎം നേതാവുമായ ജി സുധാകരന് മുന് കെപിസിസി പ്രസിഡന്റും നെഹ്റു സെന്റര് ചെയര്മാനുമായ എംഎം ഹസന് സമ്മാനിക്കും. ബിഎസ് ബാലചന്ദ്രന് രചിച്ച് സദ്ഭാവനാ ട്രസ്റ്റ് പ്രസിദ്ധീകരിച്ച ജവഹല് ലാല് നെഹ്റു ഒരു വിസ്മയം എന്ന പുസ്തകം ജി.സുധാകരന് നല്കികൊണ്ട് എംഎം ഹസന് പ്രകാശനം ചെയ്യും.ഇന്റര് കോളേജ് ഡിബേറ്റിങ് മത്സരത്തിലും ദേശഭക്തിഗാന മത്സരത്തിലെ വിജയികള്ക്കുള്ള സമ്മാനം ചടങ്ങില് വെച്ച് വിതരണം ചെയ്യും.
കേരള സര്വകലാശാല മുന് പ്രോ.വൈസ് ചാന്സിലര് ഡോ. ജെ.പ്രഭാഷ്,ഡോ. എംആര് തമ്പാന്,ബിഎസ്എസ് ദേശീയ ചെയര്മാന് ബി.എസ്.ബാലചന്ദ്രന്,പിഎസ് ശ്രീകുമാര് എന്നിവര് സംസാരിക്കും.
