വലപ്പാട് : കേരളത്തിലെ വിദ്യാഭ്യാസ മേഖയില് പുതിയ ചരിത്രം കുറിച്ചുകൊണ്ട്, മദ്രാസ് ഐഐടിയുമായിച്ചേര്ന്നു മണപ്പുറം ഗീതാ രവി പബ്ലിക് സ്കൂളില് ഇന്നൊവേഷന് സെന്റര് വരുന്നു. മദ്രാസ് ഐ ഐ ടിയുമായി ബന്ധപ്പെട്ട ഇന്ക്യൂബേറ്റഡ് സ്ഥാപനമായ ക്യു വിങ്സുമായി ചേര്ന്നാണ് സ്കൂളില് അത്യാധുനിക ഇന്നൊവേഷന് ആന്റ് സ്റ്റെം സെന്റര് ആരംഭിക്കുന്നത്.
2026 ഏപ്രില് മുതല് ആരംഭിക്കുന്ന പരിശീലന പരിപാടിയിലൂടെ വിദ്യാര്ത്ഥികള്ക്ക് ആധുനിക സ്റ്റെം വിദ്യാഭ്യാസം, ഗവേഷണപരമായ പഠനം, സംരംഭകത്വ പരിശീലനം എന്നിവയില് അറിവ് ലഭിക്കും. ഇതിലൂടെ വിദ്യാര്ത്ഥികള്ക്ക് ക്ലാസ് മുറിയിലെ പഠനം യഥാര്ത്ഥ ജീവിത പ്രശ്നങ്ങളുമായി ബന്ധിപ്പിച്ച്, ഗവേഷണ ചിന്തയും സൃഷ്ടിപരമായ കഴിവുകളും വളര്ത്താന് അവസരം ലഭിക്കും. ഭാവിയിലെ ശാസ്ത്രജ്ഞര്, എഞ്ചിനീയര്മാര്, സംരംഭകര് എന്നിവരെ രൂപപ്പെടുത്തുകയാണ് മുഖ്യലക്ഷ്യമെന്ന് മണപ്പുറം ഫൗണ്ടേഷന് മാനേജിങ് ട്രസ്റ്റി വി.പി. നന്ദകുമാര് അറിയിച്ചു. ഇതുമായി ബന്ധപ്പെട്ട വിദ്യാഭ്യാസ സേവന കരാര് ഒപ്പിട്ടു.
Annapoorani
