ന്യൂയോർക് : ഇന്ത്യയിലെ ആരോഗ്യ സംരക്ഷണം, കൃഷി, സ്റ്റാർട്ടപ്പുകൾ തുടങ്ങിയ എല്ലാ മേഖലകളിലും ആർട്ടിഫിഷ്യൽ ഇന്റലിജൻസ് (AI) സാങ്കേതികവിദ്യ എത്തിക്കുകയാണ് ഗൂഗിളിന്റെ ലക്ഷ്യമെന്ന് സി.ഇ.ഒ സുന്ദർ പിച്ചൈ പറഞ്ഞു. ന്യൂഡൽഹിയിൽ നടക്കുന്ന ‘ഇന്ത്യ AI ഇംപാക്ട് സമിറ്റ് 2026’-ന്റെ ഭാഗമായാണ് അദ്ദേഹം ഈ പ്രസ്താവന നടത്തിയത്.
സുന്ദർ പിച്ചൈ പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തി. ഇന്ത്യയുടെ AI മേഖലയിലെ ദ്രുതഗതിയിലുള്ള പുരോഗതിയെക്കുറിച്ചും ഗൂഗിളിന് എങ്ങനെ സഹകരിക്കാമെന്നും അവർ ചർച്ച ചെയ്തു.
ഇന്ത്യയിലെ കഴിവുറ്റ വിദ്യാർത്ഥികളെയും പ്രൊഫഷണലുകളെയും AI രംഗത്ത് പ്രയോജനപ്പെടുത്തുന്നതിനെക്കുറിച്ച് പ്രധാനമന്ത്രി ഊന്നൽ നൽകി.
ഗ്രാമീണ മേഖലകളിൽ ഉൾപ്പെടെ സാധാരണക്കാരുടെ ജീവിതനിലവാരം മെച്ചപ്പെടുത്താൻ AI ഉപയോഗിക്കുന്നതിനായുള്ള പദ്ധതികൾ ഗൂഗിൾ ആവിഷ്കരിക്കും.
ന്യൂഡൽഹിയിലെ ഭാരത് മണ്ഡപത്തിൽ ഫെബ്രുവരി 16 മുതൽ 20 വരെയാണ് ‘ഇന്ത്യ AI ഇംപാക്ട് സമിറ്റ്’ നടക്കുന്നത്.
