നിയമസഭ തെരഞ്ഞെടുപ്പിനായുള്ള ജില്ലയിലെ ഭിന്നശേഷി സൗഹൃദ ബൂത്തുകളെ സൗന്ദര്യവത്ക്കരിക്കും. സൗന്ദര്യവത്ക്കരണത്തിന്റെ ഭാഗമായി സീനിയര് ചേംബര് ഇന്റര്നാഷണല് പ്രതിനിധികള് ജില്ലാ കളക്ടര് ഡോ. വിനയ് ഗോയലിന് പൂച്ചെടി കൈമാറി. ജില്ലയില് മലപ്പുറം, മഞ്ചേരി, വണ്ടൂര്, നിയോജക മണ്ഡലങ്ങളിലെ തിരഞ്ഞെടുത്ത ഭിന്നശേഷി സൗഹൃദ ബൂത്തുകളെ സൗന്ദര്യവത്ക്കരിക്കും. ഇലക്ഷന് ഡെപ്യൂട്ടി കളക്ടര് ജയശ്രീ എസ്.വാര്യര്, ജില്ലാ സാമൂഹ്യനീതി ഓഫീസര് സമീര് മച്ചിങ്ങല്, ഡെപ്യൂട്ടി ഡി.എം.ഒ എ ഷിബുലാല്, കുടുംബശ്രീ ജില്ലാ മിഷന് കോര്ഡിനേറ്റര് ബി. സുരേഷ് കുമാര്, സീനിയര് ചേംബര് ഇന്റര്നാഷണല് മലപ്പുറം റീജിയണ് പ്രസിഡന്റ് അനില് പത്മനാഭ, ട്രഷറര് നൗഷാദ് മാമ്പ്ര, കമ്മിറ്റി അംഗങ്ങളായ എം.സി. സതീഷ്, ലീന ബാബു, ഷൈല ബീഗം എന്നിവര് ചടങ്ങില് പങ്കെടുത്തു.
