തിരഞ്ഞെടുപ്പിന് ശേഷം മുഖ്യമന്ത്രിയെ നിശ്ചയിക്കുന്നതുമായി ബന്ധപ്പെട്ട് കോണ്ഗ്രസ് നേതാക്കളും പ്രവര്ത്തകരും സംഘടനയ്ക്ക് പൊതുസമൂഹത്തില് അവമതിപ്പുണ്ടാക്കുന്ന വിധം പത്ര, ദൃശ്യ,സാമൂഹ്യ മാധ്യമങ്ങള് ഉള്പ്പെടെയുള്ള ഇടങ്ങളില് പരസ്യ പ്രസ്താവനകള് നടത്താന് പാടുള്ളതല്ലെന്നും അത്തരം പ്രസ്താവനകള് അനുചിതമായതിനാല് എല്ലാവരും അതില്നിന്ന് മാറി നില്ക്കണമെന്നും അല്ലാത്തപക്ഷം അത് അച്ചടക്കലംഘനമായി കണക്കാക്കുമെന്നും കെപിസിസി പ്രസിഡന്റ് സണ്ണി ജോസഫ് അറിയിച്ചു.
ഇത്തരം പ്രസ്താവനകള് കോണ്ഗ്രസ് അണികളിലും യുഡിഎഫിനെ പിന്തുണച്ച ജനവിഭാഗങ്ങളിലും കടുത്ത അസംതൃപ്തിയാണ് ഉണ്ടാക്കിയിട്ടള്ളത്. ഇത്തരം ചര്ച്ചകളില് നിന്ന് പിന്തിരിയാന് എഐസിസിയും ഇക്കാര്യത്തില് കര്ശനമായ നിര്ദ്ദേശം നല്കിയിട്ടുണ്ട്. എന്നാല് അത് മുഖവിലയ്ക്കെടുക്കാതെ അത്തരം നടപടികള് ചിലര് തുടരുന്ന പശ്ചാത്തലത്തിലാണ് കര്ശന നിര്ദ്ദേശം നല്കാന് കെപിസിസി വീണ്ടും നിര്ബന്ധിതമായതെന്നും സണ്ണി ജോസഫ് പറഞ്ഞു.
