തിരുവനന്തപുരം : ഇടതു സഹയാത്രികനും സൈദ്ധാന്തികനുമായ കെ. സച്ചിദാനന്ദന്റെ ലേഖന സമാഹാരം കെ.പി.സി.സി പ്രസിദ്ധീകരണ വിഭാഗമായ പ്രിയദര്ശിനി പബ്ലിക്കേഷന്സ് പുറത്തിറക്കുന്നു.
‘ഇന്ത്യയെ വിവര്ത്തനം ചെയ്യുമ്പോള്’ എന്ന് പേരിട്ടിരിക്കുന്ന ലേഖന സമാഹാരം സാഹിത്യ അക്കാഡമി അധ്യക്ഷന് കെ. സച്ചിദാനന്ദന്റെ ഇംഗ്ലീഷ് ലേഖനസമാഹാരങ്ങളിലെ തെരഞ്ഞെടുത്ത ലേഖനങ്ങളുടെ മലയാളം പരിഭാഷയാണ്. പുസ്തകത്തിന്റെ പ്രകാശനം ഇന്ന് (ഏപ്രില് 29 ന് ) വൈകിട്ട് 4.30ന് അക്കാദമിയുടെ വൈലോപ്പിള്ളി ഹാളില് നടക്കും. ഗ്രന്ഥകാരന് സച്ചിദാനന്ദന്റെ സാന്നിധ്യത്തില് എഴുത്തഛന് പുരസ്കാര ജേതാവും പ്രമുഖ എഴുത്തുകാരനുമായ എസ്.കെ. വസന്തന് പ്രകാശനം നിര്വ്വഹിക്കും.
പ്രിയദര്ശിനി പബ്ലിക്കേഷന്സ് വൈസ് ചെയര്മാന് അഡ്വ. പഴകുളം മധുവിന്റെ അധ്യക്ഷതയില് മുന് എം.പി. ടി.എന് പ്രതാപന്,പി.വി. കൃഷ്ണന് നായര് ,
എം.പി.സുരേന്ദ്രന്,ഡി.സി.സി പ്രസിഡന്റ് അഡ്വ. ജോസഫ് ടാജറ്റ്
വിവര്ത്തകന് കെ.എം. അജീര്കുട്ടി,പബ്ലിക്കേഷന്സ് സെക്രട്ടറി ബിന്നി സാഹിതി, ബുക്ക് ക്ലബ് കോര്ഡിനേറ്റര് ചന്ദ്രാനന്ദന് എന്നിവര് പങ്കെടുക്കുംയമേയര് ഡോ. നിജി ജസ്റ്റിന് സച്ചിദാനന്ദനെ ആദരിക്കും
സച്ചിദാനന്ദന് വിവിധ ഘട്ടങ്ങളിലായി ആംഗലേയ ഭാഷയില് എഴുതിയതും എന്നാല് അവയില് മുഴു രൂപത്തില് വന്നിട്ടില്ലാത്ത, സിംലയിലെ ഇന്ത്യന് ഇന്സ്റ്റിറ്റ്യൂട്ട് ഓഫ് അഡ്വാന്സ് സ്റ്റഡീല് നാഷണല് ഫെലോ ആയിരിക്കെ എഴുതിയ, ഇന്ത്യന് സാഹിത്യത്തിന്റെ ബഹുസ്വരത യെക്കുറിച്ചുള്ള പോസ്റ്റ്- ഡോക്ടറല് പ്രബന്ധം ഉള്പ്പെടെയുള്ളവയാണ് ഇന്ത്യയേ വിവര്ത്തനം ചെയ്യുമ്പോള് എന്ന പുസ്തകത്തിലുള്ളത് എന്ന് സാമൂഹ്യ മാധ്യമങ്ങളില് പുസ്തകത്തിന്റെ കവര് ചിത്രം പങ്കുവച്ചു കൊണ്ട് സച്ചിദാനന്ദന് തന്നെ വ്യക്തമാക്കി.
പ്രമുഖ ചിന്തകനായ ഡോ. കെ സച്ചിദാനന്ദന് ഇംഗ്ലീഷില് എഴുതിയ ലേഖനങ്ങള്ക്ക് കെ എം അജീര്കുട്ടിയാണ് പരിഭാഷ നിര്വ്വഹിച്ചത്.ഭാരതീയതയെക്കുറിച്ചുള്ള ആഴമേറിയ പുനര്ചിന്തകളും വായനക്കാര്ക്ക് മുന്നില് ഈ പുസ്തകം അവതരിപ്പിക്കുന്നു. ഇന്ത്യ എന്ന ബഹുസ്വരത ഭാഷകളിലും സാംസ്കാരിക തനിമകളിലും എത്രമാത്രം വൈവിധ്യമാര്ന്നതും സമ്പന്നവുമാണെന്ന് ഈ പഠനങ്ങളില് കാണാം.
ഭാരതീയ കലകളുടെ ചരിത്രപരമായ പരിണാമവും അവ സമൂഹത്തിന്റെ പ്രതിഫലനമായി മാറുന്നതെങ്ങനെയെന്നതും ഇതില് വരച്ചു കാണി ച്ചിരിക്കുന്നു. കല കേവലം അലങ്കാരവസ്തുവല്ല, മറിച്ച് അതൊരു രാഷ്ട്രീയപ്രവര്ത്തനം കൂടിയാണെന്ന് സച്ചിദാനന്ദന് ഓര്മ്മിപ്പിക്കുന്നു.
ഇന്ത്യയുടെ സാംസ്കാരിക പാരമ്പര്യത്തില് സ്ത്രീകള് നടത്തിയ സധീരമായ ഇടപെടലുകളും ലിംഗനീതിയെ സംബന്ധിച്ച അര്ത്ഥവത്തായ നിരീക്ഷണങ്ങളും പുസ്തകം പങ്കുവക്കുന്നു.ഇപ്പോഴത്തെ ദേശീയ രാഷ്ട്രീയ സംഭവങ്ങളുടെ പശ്ചാത്തലത്തില് സച്ചിദാനന്ദന്റെ തുറന്നെഴുത്തിനെ കൂട്ടി വായിക്കാന് കഴിയും. ഇടതു -ബി ജെ പി ലൈനുകള്ക്ക് എതിരഭിപ്രായം പരസ്യമായി പ്രകടിപ്പിക്കുന്ന സച്ചിദാനന്ദന്റെ സ്വതന്ത്ര നിലപാടായി ഇതിനെ വിലയിരുത്തുന്നു.
ഇടതു സര്ക്കാരിനെതിരേ മിക്കപ്പോഴും സച്ചിദാനന്ദന് നടത്തിയ അഭിപ്രായപ്രകടനം ഏറെ വിവാദമായിരുന്നു. അശാ സമരത്തില് കൈക്കൊണ്ട സാംസ്കാരിക നിലപാടായിരുന്നു ഏറെ ശ്രദ്ധേയം സാംസ്കാരിക മേഖലയിലെ ഇടത് വല്ക്കരണത്തിനെതിരേ നടത്തിയ പ്രതികരണങ്ങള് സമൂഹത്തില് വലിയ ചലനം സൃഷ്ടിച്ചു. എന്നാല് പുസ്തകത്തിന്റെ പ്രസിദ്ധീകരണത്തിന് പിന്നില് രാഷ്ട്രീയ ലക്ഷ്യമില്ലെന്നും സ്വതന്ത്ര രചനകള് പ്രോല്സാഹിപ്പിക്കണമെന്ന പൊതു സമീപനം മാത്രമാണെന്നും പ്രിയദര്ശിനി പബ്ലിക്കേഷന്സ് വൈസ് ചെയര്മാന് അഡ്വ പഴകുളം മധു വ്യക്തമാക്കി.
.
ഇന്ത്യ നേരിടുന്ന വര്ത്തമാനകാല വെല്ലുവിളികളെ സാംസ്കാരികമായ പശ്ചാത്തലത്തില് പുസ്തകത്തിന് രാഷ്ട്രീയ പ്രാധാന്യമുണ്ടെന്ന് നിരീക്ഷകര് അഭിപ്രായപെടുന്നു. അക്കാദമിക് സ്വഭാവമുള്ള ഗൗരവതരമായ വിഷയങ്ങളെ ആര്ക്കും ഗ്രഹിക്കാന് പാകത്തില് കലാത്മകമായി അവതരിപ്പിച്ചിരിക്കുന്നു എന്നതാണ് ഈ പുസ്തകത്തിന്റെ പ്രേത്യേകത യെന്നും പഴകുളം മധു ചൂണ്ടിക്കാട്ടി. .
