മുന്‍ പ്രധാനമന്ത്രി രാജീവ് ഗാന്ധിയുടെ രക്തസാക്ഷിത്വ ദിനമായ മെയ് 21 കെപിസിസിയുടെ ആഭിമുഖ്യത്തില്‍ ഭീകരവിരുദ്ധ ദിനമായി ആചരിക്കുമെന്ന് സംഘടനാ ചുമതലയുള്ള ജനറല്‍ സെക്രട്ടറി ടി.യു.രാധാകൃഷ്ണന്‍ അറിയിച്ചു.
ഇന്ദിരാഭവനില്‍ രാവിലെ 10.30ന് കെപിസിസി പ്രസിഡന്റ് കെ.സുധാകരന്‍ എംപിയുടെ നേതൃത്വത്തില്‍ രാജീവ്ഗാന്ധിയുടെ ഛായാചിത്രത്തില്‍ പുഷ്പാര്‍ച്ചനയും അനുസ്മരണ സമ്മേളനവും നടക്കും. തുടര്‍ന്ന് കോണ്‍ഗ്രസ് പ്രവര്‍ത്തക സമിതി അംഗം എകെ ആന്റണി ഭീകരവിരുദ്ധ ദിന പ്രതിജ്ഞ ചൊല്ലിക്കൊടുക്കും. യുഡിഎഫ് കണ്‍വീനര്‍ എംഎം ഹസ്സന്‍,കെപിസിസി ഭാരവാഹികള്‍ തുടങ്ങിയവര്‍ പങ്കെടുക്കും. ജില്ലാ,ബ്ലോക്ക്,മണ്ഡലം തലത്തിലും രാജീവ് ഗാന്ധിയുടെ സ്മരണ ഉണര്‍ത്തി വ്യത്യസ്ത പരിപാടികള്‍ സംഘടിപ്പിക്കുമെന്നും രാധാകൃഷ്ണന്‍ അറിയിച്ചു.
