കൊളറാഡോ: കൊളറാഡോ സ്പ്രിംഗ്സിലെ ഒരു ഷോപ്പിംഗ് മാളിലുണ്ടായ വഴക്കിൽ ഒരാൾ മരിക്കുകയും രണ്ട് പേർക്ക് ഗുരുതരമായി പരിക്കേൽക്കുകയും ചെയ്തതായി പോലീസ് ഞായറാഴ്ച അറിയിച്ചു.
ഞായറാഴ്ച പ്രാദേശിക സമയം വൈകിട്ട് 4.34 ന് സിറ്റാഡൽ മാളിൽ വെടിയുതിർത്തതിനെക്കുറിച്ചുള്ള ഒരു കോൾ ലഭിച്ചതായി പോലീസ് പറഞ്ഞു.പോലീസ് എത്തി നടത്തിയ പരിസോധനയിൽ വെടിയേറ്റ് മരിച്ച ഒരു മുതിർന്ന പുരുഷനെ കണ്ടെത്തുകയും മറ്റ് രണ്ട് പുരുഷന്മാരെ ഗുരുതരാവസ്ഥയിൽ പ്രാദേശിക ആശുപത്രികളിൽ പ്രവേശിപ്പിക്കുകയും ചെയ്തതായി കൊളറാഡോ സ്പ്രിംഗ്സ് പോലീസ് ഡിപ്പാർട്ട്മെന്റ് ഞായറാഴ്ച വൈകുന്നേരം അറിയിച്ചു.
രണ്ട് വിഭാഗം ആളുകൾ തമ്മിലാണ് ഏറ്റുമുട്ടലുണ്ടായതെന്ന് ഉദ്യോഗസ്ഥർ സ്ഥിരീകരിച്ചു.
പരിക്കേറ്റ രണ്ട് പേർക്ക് ഓരോ വെടിയുണ്ടയെങ്കിലും ഏറ്റിട്ടുണ്ട്. ഒരു സ്ത്രീയെയും നിസ്സാര പരിക്കുകളോടെ ആശുപത്രിയിൽ പ്രവേശിപ്പിച്ചു, അതിൽ വെടിയേറ്റ മുറിവില്ല.
ഒന്നിലധികം പേരെ കസ്റ്റഡിയിലെടുത്തിട്ടുണ്ടെന്നും സംഭവത്തിൽ അവർക്ക് പങ്കുണ്ടോയെന്നറിയാൻ ശ്രമിക്കുകയാണെന്നും പോലീസ് പറഞ്ഞു.