കൊച്ചി: രാജ്യത്തെ പ്രമുഖ ബാങ്കിതര ധനകാര്യ സ്ഥാപനമായ ശ്രീറാം ഫിനാൻസ് സ്ഥിര നിക്ഷേപങ്ങളുടെ പലിശ നിരക്ക് വർധിപ്പിച്ചു. 0.05 മുതൽ 0.20 ശതമാനം വരെയാണ് വർധനവ് ഏർപ്പെടുത്തിയിട്ടുള്ളത്. ഏപ്രിൽ 9 മുതല്‍ പ്രാബല്യത്തില്‍ വന്ന പുതുക്കിയ നിരക്കു പ്രകാരം സ്ഥിര നിക്ഷേപങ്ങള്‍ക്ക് 9.40 ശതമാനം വരെ പലിശ ലഭിക്കും. കൂടാതെ, 60 വയസ്സ് പൂർത്തിയായ മുതിർന്ന പൗരന്മാർക്ക് 0.50 ശതമാനവും സ്ത്രീ നിക്ഷേപകർക്ക് 0.10 ശതമാനവും അധിക വർധനവ് പലിശനിരക്കിൽ ഏർപ്പെടുത്തി. 12 മുതൽ 60 മാസം കാലാവധിയുള്ള, നിശ്ചിത ഇടവേളകളിൽ പലിശ പിൻവലിക്കാത്ത (ക്യുമുലേറ്റീവ്) സ്ഥിര നിക്ഷേപങ്ങൾക്ക് 7.85 മുതൽ 10.50 ശതമാനം പലിശ ലഭിക്കും. ഇടപാടുകാർക്ക് നേട്ടമുണ്ടാക്കാൻ ഉതകുന്ന തരത്തിലാണ് പലിശ നിരക്കുകൾ ഏർപ്പെടുത്തിയിട്ടുള്ളതെന്ന് ശ്രീറാം ഫിനാൻസിന്റെ എക്സിക്യൂട്ടീവ് വൈസ് ചെയർമാൻ ഉമേഷ് രേവങ്കർ അഭിപ്രായപ്പെട്ടു.
Bharath Sujit
