പ്രശസ്ത ചലച്ചിത്ര നിര്‍മ്മാതാവും സംവിധായകനുമായ അരോമ മണിയുടെ നിര്യാണത്തില്‍ പ്രതിപക്ഷ നേതാവ് വി.ഡി സതീശന്‍ അനുശോചിച്ചു.
മലയാള ചലച്ചിത്ര ആസ്വാദകര്‍ക്ക് മറക്കാനാകാത്ത സിനിമ നിര്‍മ്മാണ കമ്പനികളാണ് സുനിത പ്രൊഡക്ഷന്‍സും അരോമ മൂവി ഇന്റര്‍നാഷണലും. ഈ രണ്ടു കമ്പനികളുടെ ബാനറില്‍ നിരവധി ജനപ്രിയ സിനികളാണ് അരോമ മണി തിയേറ്ററുകളിലെത്തിച്ചത്. സംവിധായകനായും അരോമ മണി തിളങ്ങി. മലയാള സിനിമ ചരിത്രത്തില്‍ ഒരു കാലത്തും വിസ്മരിക്കാനാകാത്ത പേരാണ് അരോമ മണിയുടേത്.
കുടുംബാംഗങ്ങളുടെയും സുഹൃത്തുക്കളുടെയും ദുഃഖത്തില്‍ പങ്കുചേരുന്നു.