മുഖ്യമന്ത്രിയുടെ പ്രത്യേക ഇടപെടലിനെ തുടർന്ന് നടപ്പാക്കുന്ന സീ പ്ലെയിൻ പദ്ധതി സാധാരണക്കാർക്ക് കൂടി പ്രയോജനകരമാകുന്ന വിധത്തിൽ നടപ്പാക്കുമെന്ന് മന്ത്രി പി.എ. മുഹമ്മദ് റിയാസ്. സീപ്ലെയിൻ പദ്ധതി വിനോദസഞ്ചാര മേഖലയുടെ കുതിപ്പിന് ശക്തി വർധിപ്പിക്കും. വാട്ടർ മെട്രോ പോലെ അന്താരാഷ്ട്ര നിലവാരത്തിലുള്ള നിരവധി പദ്ധതികളാണ് സർക്കാർ നടപ്പാക്കുന്നത്.
ഇനിയും വേണ്ട രീതിയിൽ പ്രയോജനപ്പെടുത്താത്ത നിരവധി ടൂറിസം കേന്ദ്രങ്ങൾ കേരളത്തിലുണ്ട്. ദേശീയ ശരാശരിയേക്കാൾ മൂന്നിരട്ടിയാണ് കേരളത്തിന്റെ ജനസാന്ദ്രത. വീതിയുള്ള റോഡുകൾ നിർമ്മിക്കുന്നതിന് ഭൂമിയുടെ ലഭ്യത പ്രധാന തടസമാണ്. മികച്ച റോഡുകൾ ഒരുക്കുന്നതിനൊപ്പം മറ്റു മാർഗങ്ങൾ തേടാനും സർക്കാർ ശ്രമിക്കുന്നു. ദേശീയപാത 66, മലയോരപാത, തീരദേശപാത എന്നിവയൊക്കെ ആശ്വാസമാണെങ്കിലും ദീർഘകാലാടിസ്ഥാനത്തിൽ സീപ്ലെയിൻ പോലുളള പദ്ധതികളും പ്രയോജനപ്പെടുത്തണം.
പദ്ധതി കൂടുതൽ സ്ഥലങ്ങളിലേക്ക് വ്യാപിപ്പിക്കാനാണ് സർക്കാർ ശ്രമിക്കുന്നത്. ഇതിനായി പ്രത്യേക പദ്ധതി വിനോദ സഞ്ചാര വകുപ്പ് തയാറാക്കിയിട്ടുണ്ട്. കേരളത്തിൽ നാല് പ്രധാന വിമാനത്താവളങ്ങളാണുള്ളത്. കേരളത്തിലെ നിരവധി ഡാമുകളും കായലുകളും പദ്ധതിയുടെ ഭാഗമാക്കി മാറ്റാൻ കഴിയും.
എല്ലാ ജനവിഭാഗങ്ങളെയും യോജിപ്പിച്ചാണ് പദ്ധതി യാഥാർഥ്യമാക്കുന്നത്. പദ്ധതിയുമായി ബന്ധപ്പെട്ട് യാതൊരുവിധ ആശങ്കയും വേണ്ട. പദ്ധതി ജനകീയമായി നടപ്പാക്കും. സീപ്ലെയ്9 ഉപയോഗിക്കാൻ കേരളത്തിന്റെ വിവിധ മേഖലകളിലുള്ള സാധാരണ ജനങ്ങൾക്ക് കൂടി അവസരം ലഭിക്കുന്ന വിധത്തിൽ മാറ്റാനാണ് സർക്കാർ ശ്രമം. പരീക്ഷണപ്പറക്കലിന് ശേഷം അടുത്ത നടപടി വൈകാതെ ആരംഭിക്കുമെന്നും മന്ത്രി പറഞ്ഞു.
ടൂറിസം രംഗത്ത് പദ്ധതിയുമായി സഹകരിക്കാൻ താല്പര്യമുള്ളവരുമായി ചർച്ച നടത്തിയിട്ടുണ്ട്. അടുത്തഘട്ട ചർച്ചകളുമായി മുന്നോട്ട് പോകും. കേരളത്തിലെ വിമാനത്താവളങ്ങൾ, ഡാമുകൾ, കായലുകൾ എന്നിവ ഫലപ്രദമായി ഉപയോഗപ്പെടുത്തും. ടൂറിസം രംഗത്തിനു പുറമേ, അടിയന്തരഘട്ടങ്ങളിലും സീ പ്ലെയ്ൻ ഉപയോഗിക്കാനാകും. ടൂറിസം വകുപ്പ് ചില കേന്ദ്രങ്ങളുടെ പട്ടിക തയാറാക്കിയിട്ടുണ്ട്. എല്ലാവരുമായും ചർച്ച ചെയ്ത് പദ്ധതി നടപ്പാക്കുമെന്നും അദ്ദേഹം പറഞ്ഞു.
കേരളത്തിന്റെ ടൂറിസം സാധ്യതകൾ ശക്തിപ്പെടുത്താ9 പദ്ധതി ഉപകരിക്കുമെന്ന് ചടങ്ങിൽ അധ്യക്ഷത വഹിച്ച മന്ത്രി പി.രാജീവ് പറഞ്ഞു. സീപ്ലെയ്ൻ ഓപ്പറേറ്റർമാരായ ഡീ ഹാവ് ലാ9ഡ് കമ്പനി പ്രതിനിധി യോഗേഷ് ഗാർഗ് മെമന്റോ ഏറ്റുവാങ്ങി. ചടങ്ങിൽ മന്ത്രി വി.ശിവൻ കുട്ടി വിശിഷ്ടാതിഥിയായി. കൊച്ചി മേയർ എം. അനിൽ കുമാർ, കൗൺസിലർ പി.ആർ. റെനീഷ്, ഏവിയേഷൻ സെക്രട്ടറി ബിജു പ്രഭാകർ, ടൂറിസം സെക്രട്ടറി കെ. ബിജു, ജില്ലാ കളക്ടർ എൻ. എസ്.കെ. ഉമേഷ്, ടൂറിസം അഡീഷണൽ ഡയറക്ടർ പി. വിഷ്ണു രാജ് തുടങ്ങിവർ പങ്കെടുത്തു.
