രജനീഷ് ഹെന്റിക്കും ചന്ദ്രശേഖര്‍ കെഎന്നിനും സിഎബികെയുടെ ആദരം.
കൊച്ചി: കാഴ്ച പരിമിതരുടെ ക്രിക്കറ്റിനെ പ്രോത്സാഹിപ്പിക്കുന്നതിന് അനുയോജ്യമായ അന്തരീക്ഷം സൃഷ്ടിക്കുമെന്ന് വേള്‍ഡ് ബ്ലൈന്‍ഡ് ക്രിക്കറ്റ് കൗണ്‍സില്‍ സെക്രട്ടറി ജനറലായി തെരഞ്ഞെടുക്കപ്പെട്ട് രജനീഷ് ഹെന്റി അറിയിച്ചു. കൊച്ചിയില്‍ ക്രിക്കറ്റ് അസോസിയേഷന്‍ ഫോര് ദി ബ്ലൈന്‍ഡ് ഇന്‍ കേരള സംഘടിപ്പിച്ച് അനുമോദന ചടങ്ങില്‍ സംസാരിക്കുകയായിരുന്നു രജനീഷ്. വേള്‍ഡ് ബ്ലൈന്‍ഡ് ക്രിക്കറ്റ് കൗണ്‍സിലി (ഡബ്ല്യുബിസിസി) ന്റെ ഫിനാന്‍സ് ഡയറക്ടറായി തെരഞ്ഞെടുക്കപ്പെട്ട ചന്ദ്രശേഖര്‍ കെ എന്നിനെയും ചടങ്ങില്‍ ആദരിച്ചു. ക്രിക്കറ്റ് അസോസിയേഷന്‍ ഫോര് ബ്ലൈന്‍ഡ് ഇന്‍ ഇന്ത്യ (സിഎബിഐ) യുടെ സ്ഥാപക അംഗമാണ് ചന്ദ്രശേഖര്‍ കെ എന്‍
അന്താരാഷ്ട്രതലത്തില്‍ കാഴ്ചപരിമിതരുടെ ക്രിക്കറ്റിനെ പ്രോത്സാഹിപ്പിക്കും.യുഎസിലെയും യുഎഇയിലെയും പുരുഷ-വനിതാ ടീമുകളെ വികസിപ്പിക്കുന്നതില്‍ ശ്രദ്ധ കേന്ദ്രീകരിച്ച് വേള്‍ഡ് ബ്ലൈന്‍ഡ് ക്രിക്കറ്റ് കൗണ്‍സില്‍ കായികരംഗത്തിന്റെ ആഗോള വ്യാപനം വിപുലീകരിക്കാന്‍ ലക്ഷ്യമിടുന്നു. ഈ ലക്ഷ്യം കൈവരിക്കുന്നതിന്, ഈ പ്രദേശങ്ങളിലെ വളര്‍ന്നുവരുന്ന ടീമുകള്‍ക്ക് സാങ്കേതിക പിന്തുണയും പരിശീലനവും മാര്‍ഗനിര്‍ദേശവും നല്‍കുന്നതിന് ഇന്ത്യ പോലുള്ള പ്രബലമായ കാഴ്ചപരിമിതരുടെ ക്രിക്കറ്റ് രാജ്യങ്ങളുടെ വൈദഗ്ധ്യവും വിഭവങ്ങളും ഡബ്ല്യുബിസിസി പ്രയോജനപ്പെടുത്തും. ഇതിനായുള്ള പ്രവര്‍ത്തനങ്ങള്‍ക്ക് ക്രിക്കറ്റ് അസോസിയേഷന്‍ ഫോര് ദി ബ്ലൈന്‍ഡ് ഇന്‍ ഇന്ത്യയും സമര്‍ത്തന്‍ ട്രസ്റ്റ് ഫോര് ദി ഡിസേബിള്‍ഡും ചേര്‍ന്ന് തുടക്കമിട്ടു.
ഡബ്ല്യുബിസിസിയുടെ ആസ്ഥാനം ലണ്ടനില്‍ നിന്ന് ദുബായിലേക്ക് മാറ്റുന്നത് അന്താരാഷ്ട്ര ഹബ്ബ് എന്ന നിലയില്‍ ദുബായിയുടെ പദവി നിലവിലുള്ള 11 അംഗരാജ്യങ്ങള്‍ക്കും എളുപ്പത്തില്‍ ആക്സസ് ചെയ്യാവുന്നതാക്കും. കൂടുതല്‍ ആശയവിനിമയവും സഹകരണവും പ്രോത്സാഹിപ്പിക്കും.അന്താരാഷ്ട്ര ബ്ലൈന്‍ഡ് ക്രിക്കറ്റ് ടൂര്‍ണമെന്റുകള്‍ക്കും ഇവന്റുകള്‍ക്കും ആതിഥേയത്വം വഹിക്കാന്‍ ദുബായിലെ ലോകോത്തര ക്രിക്കറ്റ് സൗകര്യങ്ങള്‍ അനുയോജ്യമാണ്.ദുബായിലെ സുഗമമായ വിസ നടപടിക്രമങ്ങളും അസാധാരണമായ യാത്രാ ഇന്‍ഫ്രാസ്ട്രക്ചറും അംഗരാജ്യങ്ങളുടെ പങ്കാളിത്തവും സഹകരണവും ലളിതമാക്കുമെന്നും രജനീഷ് ഹെന്റി അറിയിച്ചു.
സമര്‍ത്തന്‍ ട്രസ്റ്റ് ഫോര് ദി ഡിസേബിള്‍ഡുമായി സഹകരിച്ച് കാഴ്ചപരിമിതര്‍ക്കായുള്ള ആദ്യ വനിതാ ടി20 ലോകകപ്പ് 2025 നവംബറില്‍ ഒരു ന്യൂട്രല്‍ അല്ലെങ്കില്‍ ഹൈബ്രിഡ് വേദിയില്‍ സിഎബിഐ സംഘടിപ്പിക്കും. ഇത് ആഗോളതലത്തില്‍ കാഴ്ചാ പരിമിതരുടെ ക്രിക്കറ്റിനെ മുന്നോട്ട് കൊണ്ടുപോകുന്നതിലും കാഴ്ച വൈകല്യമുള്ള കളിക്കാരെ ശാക്തീകരിക്കുന്നതിലും പ്രോത്സാഹിപ്പിക്കുന്നതിലും ഇന്ത്യയുടെ സുപ്രധാന പങ്കിന് അടിവരയിടുന്നതാണ് .
ഡിസംബര്‍ 2-ന് പാക്കിസ്ഥാനിലെ മുള്‍ട്ടാനില്‍ നടന്ന ഡബ്ല്യുബിസിസി യുടെ 26-ാമത് വാര്‍ഷിക പൊതുയോഗത്തില്‍ രജനീഷ് ഹെന്റിയെ സെക്രട്ടറി ജനറലായി ഏകകണ്ഠമായി തിരഞ്ഞെടുത്തത്. കേരള ക്രിക്കറ്റ് അസോസിയേഷന്‍ പ്രസിഡന്റ് ജയേഷ് ജോര്‍ജ്ജ്, നാവിയോ ഷിപ്പിംഗ് കമ്പനി ചെയര്‍മാന്‍ ശ്രീ അജയ് തമ്പി എന്നിവര്‍ ആദരിക്കല്‍ ചടങ്ങില്‍ പങ്കെടുത്തു.
PHOTO CAPTION: വേള്‍ഡ് ബ്ലൈന്‍ഡ് ക്രിക്കറ്റ് കൗണ്‍സില്‍ സെക്രട്ടറി ജനറലായി തെരഞ്ഞെടുക്കപ്പെട്ട രജനീഷ് ഹെന്റിക്ക് കേരള ക്രിക്കറ്റ് അസോസിയേഷന്‍ പ്രസിഡന്റ് ജയേഷ് ജോര്‍ജ് ഉപഹാരം സമര്‍പ്പിക്കുന്നു.
ഡോ.ബിന്ദു ദിവശങ്കര്‍, സിഎബികെ പ്രസിഡന്റ് അനില്‍ കുമാര്‍, നാവിയോ ഷിപ്പിംഗ് കമ്പനി ചെയര്‍മാന്‍ അജയ് തമ്പി, സിഎബികെ വൈസ് പ്രസിഡന്റ് എബ്രഹാം ജോർജ് എന്നിവര്‍ സമീപം.
AISHWARYA
