തദ്ദേശതിരഞ്ഞെടുപ്പിനുള്ള സുരക്ഷാക്രമീകരണങ്ങള്‍ കുറ്റമറ്റനിലയിലെന്ന് ഉറപ്പാക്കാന്‍ പൊതുനിരീക്ഷകന്‍ സബിന്‍സമീദ് നിര്‍ദേശം നല്‍കി. ജില്ലയിലെ പ്രധാന വിതരണ-വോട്ടെണ്ണല്‍ കേന്ദ്രങ്ങള്‍ സന്ദര്‍ശിച്ച് തയ്യാറെടുപ്പുകള്‍ പരിശോധിക്കവേ തിരഞ്ഞെടുപ്പ്പ്രക്രിയ സുതാര്യവും കാര്യക്ഷമവുമാക്കാന്‍വേണ്ട നടപടിക്രമങ്ങളും വിശദീകരിച്ചു. ബ്ലോക്കുകളിലെയും മുനിസിപ്പാലിറ്റികളിലെയും കോര്‍പ്പറേഷന്‍ പരിധിയിലെയും കേന്ദ്രങ്ങളില്‍ റിട്ടേണിംഗ് ഓഫീസര്‍മാരുമായി വിശദമായി ചര്‍ച്ചയും നടത്തി. നിലവിലെ സജ്ജീകരണങ്ങളും സംവിധാനങ്ങളും തൃപ്തികരമാണെന്ന് വിലയിരുത്തി. ഉദ്യോഗസ്ഥ ഏകോപനം തുടര്‍പ്രവര്‍ത്തനങ്ങള്‍ക്ക് അനിവാര്യമാണ്. തിരഞ്ഞെടുപ്പ് കമ്മീഷന്റെ മാര്‍ഗനിര്‍ദേശങ്ങള്‍ വിട്ടുവീഴ്ചയില്ലാതെ നടപ്പിലാക്കണമെന്നും വ്യക്തമാക്കി. വോട്ടിംഗ് മെഷിനുകളുടെ കമ്മീഷനിംഗ് ഡിസംബര്‍ മൂന്ന് മുതല്‍ അഞ്ചുവരെ നടത്തും. അതത് വരണാധികാരികളാണ് നിര്‍വഹിക്കുക എന്നും അറിയിച്ചു.