മികച്ച നയതന്ത്രജ്ഞനും വാഗ്മിയുമായിരുന്നു അന്തരിച്ച മുന് കേന്ദ്രമന്ത്രി കെപി ഉണ്ണികൃഷ്ണനെന്ന് കെപിസിസി മുന് പ്രസിഡന്റ് എംഎം ഹസന്.
സോഷ്യലിസ്റ്റ് പ്രസ്ഥാനത്തിലൂടെ കോണ്ഗ്രസ് പാര്ട്ടിയിലേക്ക് കടന്നുവന്ന നേതാവാണ് ഉണ്ണികൃഷ്ണന്. ദീര്ഘകാലം വടകര എംപിയായി പ്രവര്ത്തിച്ചു. ദേശീയ-സംസ്ഥാന രാഷ്ട്രയത്തില് നിറഞ്ഞ നിന്നിരുന്ന വ്യക്തിത്വമാണ്.നെഹ്റുവീയന് സോഷ്യലിസ്റ്റായി കോണ്ഗ്രസ് പാര്ട്ടിയിലെ യുവതലമുറയെ ആദര്ശപരമായി പ്രോത്സാഹിപ്പിച്ച വ്യക്തിയായിരുന്നു അദ്ദേഹം. വടകരയില് മത്സരിക്കാന് എത്തിയകാലം മുതല് അദ്ദേഹവുമായി അടുത്ത് ഇടപെഴുകാനും സഹകരിക്കാനും അവസരം ലഭിച്ചിട്ടുണ്ട്. ദേശീയ അന്തര്ദേശീയ വിഷയങ്ങളില് കൃത്യമായ കാഴ്ചപാടും നിലപാടും വിവിധ വിഷയങ്ങളില് വിശാലമായ അറിവും പാണ്ഡിത്യവും അദ്ദേഹത്തിനുണ്ടായിരുന്നു. ഉണ്ണികൃഷ്ണന്റെ വേര്പാട് കേരളത്തിനും ദേശീയ രാഷ്ട്രീയ രംഗത്തിനും വലിയ വിടവാണ് സൃഷ്ടിക്കുന്നതെന്നും എംഎം ഹസന് പറഞ്ഞു
