കൊച്ചി : ബോണ്ടുകളിൽ നിക്ഷേപം നടത്തി സ്ഥിരവരുമാനം ഉറപ്പാക്കുന്നതിന് പുതിയ ഓൺലൈൻ പ്ലാറ്റ്ഫോം അവതരിപ്പിച്ച് മോത്തിലാൽ ഓസ്വാൾ വെൽത്ത് മാനേജ്മെന്റ്. https://bonds.motilaloswal.com എന്ന പോർട്ടൽ വഴി സർക്കാർ സെക്യൂരിറ്റികൾ, പൊതുമേഖലാ ബോണ്ടുകൾ, കോർപ്പറേറ്റ് ബോണ്ടുകൾ എന്നിവയിൽ ഇനി ലളിതമായി നിക്ഷേപം നടത്താം. അനുകൂലമായ സർക്കാർ നയങ്ങളും ബോണ്ട് നിക്ഷേപങ്ങളെക്കുറിച്ച് നിക്ഷേപകർക്കിടയിലുണ്ടായ അവബോധവും ഇന്ത്യയിലെ ബോണ്ട് വിപണിയിൽ ഗുണപരമായ മാറ്റങ്ങളുണ്ടാക്കിയെന്ന് മോത്തിലാൽ ഓസ്വാൾ വെൽത്ത് മാനേജ്മെന്റ് മാനേജിങ് ഡയറക്ടറും ചീഫ് എക്സിക്യൂട്ടീവ് ഓഫീസറുമായ അജയ് മേനോൻ പറഞ്ഞു. കയ്യിലുള്ള സമ്പാദ്യം ഉപയോഗപ്പെടുത്തി വിവിധ പദ്ധതികളിൽ നിക്ഷേപിക്കുന്ന പ്രവണത ഇന്ന് ഇന്ത്യൻ കുടുംബങ്ങളിൽ ഏറിവരികയാണ്. ഈ സാഹചര്യം കണക്കിലെടുത്താണ് സാധാരണക്കാരായ നിക്ഷേപകർക്ക് ബോണ്ടുകൾ വാങ്ങുന്നത് എളുപ്പമാക്കാൻ കമ്പനി പുതിയ പ്ലാറ്റ്ഫോം അവതരിപ്പിച്ചത്. ഇത് നിക്ഷേപകർക്ക് സുരക്ഷിതമായും സ്ഥിരതയോടെയും വരുമാനം ഉറപ്പാക്കാൻ സഹായിക്കുമെന്നും അദ്ദേഹം കൂട്ടിച്ചേർത്തു.
Julie John
