തിരഞ്ഞെടുപ്പില് വര്ഗീയ കക്ഷികളുമായി ധാരണയുണ്ടാക്കി പിണറായി വിജയന് വര്ഗീയതയുടെ വ്യാപാരിയായി മാറിയെന്ന് മുന് കെ പി സി സി പ്രസിഡന്റ് എം എം ഹസ്സന്. തിരുവനന്തപുരത്തെ വിവിധ തിരഞ്ഞെടുപ്പ് യോഗങ്ങളില് സംസാരിക്കുകയായിരുന്നു അദ്ദേഹം.
അധികാരത്തില് നിന്നും പടിയിറങ്ങാന് സമയമായി എന്ന തോന്നലില് നിന്നാണ് പിണറായി വിജയന് കണ്ണില് കണ്ടവരോടൊക്കെ തിരഞ്ഞെടുപ്പ് ധാരണ ഉണ്ടാക്കുന്നത്. മതവര്ഗീയവാദികള് എന്നും ഭീകരവാദികള് എന്നും സിപിഎം തന്നെ മുദ്രകുത്തിയ എസ് ഡി പി ഐയുമായും അവര് കൂട്ടുകൂടുന്നത് ഇതിന് ഉദാഹരണമാണ്.
പി ഡി പിയുമായും ആര് എസ് എസുമായും ഇവര് പല കാലങ്ങളിലും തിരഞ്ഞെടുപ്പ് ധാരണ ഉണ്ടാക്കിയിട്ടുണ്ട്. പത്തു കൊല്ലത്തെ അഴിമതിയും സ്വജനപക്ഷപാതവും കാര്ഷിക- വ്യവസായ രംഗത്തെ തകര്ച്ചയും സാമ്പത്തിക -ആരോഗ്യ -വിദ്യാഭ്യാസ രംഗങ്ങളിലെ പ്രതിസന്ധിയും കൂടിച്ചേര്ന്ന് കടുത്ത ജനകീയ ശിക്ഷയാണ് പിണറായി വിജയന് കാത്തിരിക്കുന്നത് എന്നും തിരഞ്ഞെടുപ്പ് ഫലം വരുമ്പോള് പിണറായി വിജയന് പ്രതിപക്ഷത്തേക്കും പിന്നീട് ജയിലിലേക്കും പോകേണ്ടി വരുമെന്നും എം എം ഹസന് പറഞ്ഞു.
തിരുവനന്തപുരം മണ്ഡലത്തിലെ തൃക്കുളങ്ങര,വള്ളക്കടവ്, ബീമാപള്ളി വാര്ഡുകളില് നടന്ന തിരഞ്ഞെടുപ്പ് പ്രചരണ യോഗങ്ങളില് സംസാരിക്കുക ആയിരുന്നു എംഎം ഹസന്.
