ഇന്ധന വില തുടർച്ചായി വര്ധിപ്പിച്ച കേന്ദ്രസർക്കാർ നടപടിക്കെതിരെയും
വില വർധനവ് പിന്വലിക്കണമെന്ന് ആവശ്യപ്പെട്ടും മെയ് 26 ചൊവ്വാഴ്ച വൈകുന്നേരം മണ്ഡലം കോണ്ഗ്രസ് കമ്മിറ്റികളുടെ നേതൃത്വത്തില് സംസ്ഥാന വ്യാപകമായി പ്രതിഷേധം നടത്തുമെന്ന് കെപിസിസി സംഘടന ചുമതലയുള്ള ജനറൽ സെക്രട്ടറി നെയ്യാറ്റിൻകര സനൽ അറിയിച്ചു.
പശ്ചിമേഷ്യന് സംഘര്ഷം ചൂണ്ടിക്കാട്ടി ജനങ്ങളുടെ മേൽ അമിത ഭാരം അടിച്ചേൽപ്പിക്കുകയാണ് കേന്ദ്രസർക്കാർ.കഴിഞ്ഞ രണ്ട് ആഴ്ചക്കിടെ ഇത് നാലാമത്തെ ഇന്ധന വില വർധനവാണ്. കൂടിയ വില പെട്രോളിയം ഉത്പന്നങ്ങള്ക്ക് നല്കേണ്ടിവരുന്നത് കേന്ദ്രസര്ക്കാരിന്റെ ഉയര്ന്ന നികുതി കാരണമാണ്. അതില് കുറവുവരുത്തുന്നതിന് പകരം രാജ്യത്തെ വിലക്കയറ്റത്തിലേക്ക് തള്ളിവിടാനാണ് കേന്ദ്രസര്ക്കാര് ശ്രമിച്ചത്. ഇത് കടുത്ത ജനവഞ്ചനയാണെന്നും നെയ്യാറ്റിൻകര സനൽ പറഞ്ഞു.
