സൈക്ലോസ്പോറ എന്ന പരാദബാധയെത്തുടർന്ന് യുഎസിലെ പ്രമുഖ റീട്ടെയിൽ ശൃംഖലയായ വാൾമാർട്ട് ) തങ്ങളുടെ 27 സംസ്ഥാനങ്ങളിലെ സ്റ്റോറുകളിൽ നിന്ന് പ്രത്യേക തരം ലെറ്റസ് (Marketside bagged iceberg lettuce) സലാഡുകൾ നീക്കം ചെയ്തു. മെക്സിക്കോയിലെ ടെയ്ലർ ഫാംസിൽ നിന്നുള്ള ലെറ്റസ് കഴിച്ച ആയിരക്കണക്കിന് ആളുകൾക്ക് നേരത്തെ വയറിളക്കവും മറ്റ് അസ്വസ്ഥതകളും റിപ്പോർട്ട് ചെയ്തിരുന്നു.
വാൾമാർട്ട് ഉപഭോക്താക്കൾക്ക് ഇതുവരെ രോഗബാധയൊന്നും സ്ഥിരീകരിച്ചിട്ടില്ലെങ്കിലും, മുൻകരുതൽ നടപടിയുടെ ഭാഗമായാണ് ഉൽപ്പന്നങ്ങൾ മാറ്റിയതെന്ന് കമ്പനി അറിയിച്ചു. നേരത്തെ ടാക്കോ ബെൽ (Taco Bell), സിസ്കോ (Sysco) എന്നീ പ്രമുഖ ബ്രാൻഡുകളും ഇതേ സപ്ലയറിൽ നിന്നുള്ള ലെറ്റസ് വിതരണം ചെയ്യുന്നത് നിർത്തിവെച്ചിരുന്നു.