ന്യൂ ജേഴ്സി: ഗർഭിണിയായ കാമുകിയെ ബേസ്ബോൾ ബാറ്റ് കൊണ്ട് അടിച്ചുകൊന്ന സംഭവത്തിൽ പ്രതിക്ക് 30 വർഷം തടവുശിക്ഷ. ന്യൂ ജേഴ്സി സ്വദേശിയായ ബോറിസ് ലെയ്നസ്-റോസാലെസിനാണ് (28) കോടതി ശിക്ഷ വിധിച്ചത്. 25 കാരിയായ ലെസ്ലിയാനെറ്റ് ക്വിന്റാന-ബെറ്റാൻകോർട്ട് ആണ് കൊല്ലപ്പെട്ടത്. ക്രൂരമായ ആക്രമണത്തിൽ യുവതിയും വയറ്റിലുണ്ടായിരുന്ന കുഞ്ഞും മരണപ്പെട്ടു.
ആദ്യം യുവതി കോണിപ്പടിയിൽ നിന്ന് താഴേക്ക് വീണതാണെന്ന് വരുത്തിതീർക്കാനും തെളിവുകൾ നശിപ്പിക്കാനും പ്രതി ശ്രമിച്ചെങ്കിലും, പിന്നീട് കൊലപാതകക്കുറ്റം (First-degree murder) സമ്മതിക്കുകയായിരുന്നു. വീടിന്റെ പിൻവശത്തുനിന്ന് രക്തം പുരണ്ട ബാറ്റും മറ്റ് തെളിവുകളും പൊലീസ് കണ്ടെടുത്തു.
ജഡ്ജി ജോസഫ് ലെവിൻ വിധിച്ച 30 വർഷത്തെ തടവുശിക്ഷയിൽ പ്രതിക്ക് സമയത്തിന് മുൻപുള്ള മോചനത്തിനോ പരോളിനോ അർഹതയുണ്ടായിരിക്കില്ല
