ഭരണഘടനയേയും ഭരണഘടനാ മൂല്യങ്ങളെയും ഇല്ലാതാക്കാനും വര്ഗീയത ആളിക്കത്തിക്കാനുമുള്ള ശ്രമങ്ങള് രാജ്യത്ത് നടന്നുവരുകയാണെന്നും ഇതിനെതിരേ കോണ്ഗ്രസ് രാജ്യവ്യാപകമായി പോരാട്ടം നടത്തുകയാണെന്നും ആഭ്യന്തരമന്ത്രി രമേശ് ചെന്നിത്തല.
കെപിസിസി ആസ്ഥാനത്ത് 80-ാം സ്വാതന്ത്ര്യദിനാഘോഷ ചടങ്ങില് പ്രസംഗിക്കുകയായിരുന്നു അദ്ദേഹം.
രാജ്യം എട്ട് ദശാബ്ദത്തിനിടയില് കൈവരിച്ച പുരോഗതിയുടെ പിന്നില് കോണ്ഗ്രസാണുള്ളത്. അതിന്റെ അടിസ്ഥാനത്തിലാണ് രാജ്യം നിലനില്ക്കുന്നത്. ഭരണഘടനാമൂല്യങ്ങള് നിലനിര്ത്താനുള്ള കോണ്ഗ്രസിന്റെ പോരാട്ടത്തിന് സ്വാതന്ത്ര്യദിനാഘോഷ ചടങ്ങുകള് കരുത്തുപകരുമെന്നും രമേശ് ചെന്നിത്തല ചൂണ്ടിക്കാട്ടി.
മുൻ കെപിസിസി പ്രസിഡൻ്റ് എം എം ഹസൻ,കെപിസിസി സംഘടനാകാര്യ ജനറല് സെക്രട്ടറി നെയ്യാറ്റിന്കര സനല്, രാഷ്ട്രീയകാര്യ സമിതിയംഗങ്ങളായ ചെറിയാന് ഫിലിപ്പ്, വിഎസ് ശിവകുമാര്, പന്തളം സുധാകരന്, കെപിസിസി വൈസ് പ്രസിഡന്റുമാരായ പാലോട് രവി, ടി ശരത്ചന്ദ്രപ്രസാദ്, ജനറല് സെക്രട്ടറിമാരായ മര്യാപുരം ശ്രീകുമാര്, മണക്കാട് സുരേഷ്, എംഎ വാഹിദ്, കെബി ശശികുമാര്, അല്സജിത റസല്, ആര് ലക്ഷ്മി, ജവഹർ ബാൽ മഞ്ച് അഖിലേന്ത്യാ ചെയര്മാന് ജിവി ഹരി, സേവാദള് ചെയര്മാന് രമേശന് കരുവാച്ചേരി, അഡ്വ കെ മോഹന് കുമാര്, വര്ക്കല കഹാര് തുടങ്ങിയവര് പങ്കെടുത്തു.
