ഹൂസ്റ്റൺ : ക്രൈസ്റ്റ് കൾച്ചർ മിനിസ്ട്രിയുടെ നേതൃത്വത്തിൽ ദമ്പതികൾക്കായി സംഘടിപ്പിക്കുന്ന ‘കവന്റന്റ്’ (Covenant) ദമ്പതി ധ്യാനം 2026 ഓഗസ്റ്റ് 28, 29, 30 (വെള്ളി, ശനി, ഞായർ) തീയതികളിൽ ഹൂസ്റ്റൺ സെന്റ് മേരീസ് ക്നാനായ കത്തോലിക്കാ ഫൊറോനാ പള്ളിയിൽ വച്ച് നടക്കും. “ജ്ഞാനത്താൽ വീടു പണിയപ്പെടുന്നു” (സുഭാഷിതങ്ങൾ 24:3) എന്ന തിരുവചനം അടിസ്ഥാനമാക്കിയാണ് ധ്യാനം ക്രമീകരിച്ചിരിക്കുന്നത്.
വികാരി റവ. ഫാ. അബ്രഹാം മുത്തോലത്ത്, അസിസ്റ്റന്റ് വികാരി റവ. ഫാ. ജോഷി വലിയവീട്ടിൽ എന്നിവരുടെ ആത്മീയ നേതൃത്വത്തിലാണ് ധ്യാന ശുശ്രൂഷകൾ ഒരുക്കിയിരിക്കുന്നത്. പ്രശസ്ത വചനപ്രഘോഷകൻ ബ്രദർ റെജി കൊട്ടാരമാണ് മൂന്നു ദിവസത്തെ ധ്യാനത്തിന് നേതൃത്വം നൽകുന്നത്. ഡോ. തെരേസാ ജോസഫ്, ഡോ. ജെറിൻ ജൂബി എന്നിവരും വചന ശുശ്രൂഷകൾ പങ്കുവെക്കും. ജോജി ജോബ് ഗാനശുശ്രൂഷയ്ക്ക് നേതൃത്വം നൽകും. ദിവ്യബലി, ദിവ്യകാരുണ്യ ആരാധന, ഗാനശുശ്രൂഷ, വ്യക്തിഗത കൗൺസിലിംഗ്, കുമ്പസാരം എന്നിവ ധ്യാനത്തിന്റെ ഭാഗമായി ഉണ്ടായിരിക്കും.
സമയക്രമം:
ഓഗസ്റ്റ് 28 വെള്ളിയാഴ്ച: രാവിലെ 9.00 മുതൽ വൈകിട്ട് 6.00 വരെ
ഓഗസ്റ്റ് 29 ശനിയാഴ്ച: രാവിലെ 9.00 മുതൽ വൈകിട്ട് 7.00 വരെ
ഓഗസ്റ്റ് 30 ഞായറാഴ്ച: രാവിലെ 11.30 മുതൽ വൈകിട്ട് 5.00 വരെ
ദമ്പതികൾ തമ്മിലുള്ള ആത്മീയ ബന്ധവും കുടുംബ ജീവിതത്തിലെ ഐക്യവും പുതുക്കുന്നതിനായി ക്രമീകരിച്ചിരിക്കുന്ന ഈ ധ്യാനത്തിൽ പങ്കെടുക്കുന്നവർക്ക് ഭക്ഷണ സൗകര്യം ലഭ്യമാണ്. ഒരാൾക്ക് 100 ഡോളറാണ് രജിസ്ട്രേഷൻ ഫീസ്. ക്രൈസ്റ്റ് കൾച്ചർ മിനിസ്ട്രിക്ക് വേണ്ടി ജോസ് ചാഴികാട്ട് അറിയിച്ചതാണിത്.
രജിസ്ട്രേഷനായി കോർഡിനേറ്റർമാരുമായി ബന്ധപ്പെടുക:
ജോസ് ചാഴികാട്ട്: (734) 516-0641
ബോണി ബിബി തെക്കനാട്ട്: (248) 679-6920
ദേവാലയത്തിന്റെ വിലാസം: St. Mary’s Knanaya Catholic Forane Church, Houston, 6400 W Fuqua St, Missouri City, TX 77489
