മിനിയാപോളിസ്: യു.എസ് കോൺഗ്രസ് അംഗം ഇൽഹാൻ ഒമറിന്റെ മകൻ താമസിക്കുന്ന മിനിയാപൊളിസിലെ അപ്പാർട്ട്മെന്റിൽ പോലീസ് റെയ്ഡ് നടത്തി. റെയ്ഡിൽ തോക്കുകളും വെടിയുണ്ടകളും കണ്ടെടുത്തതായി റിപ്പോർട്ടുകൾ വ്യക്തമാക്കുന്നു.
ഒരു ട്രാഫിക് പരിശോധനയ്ക്കിടെ വാഹനത്തിൽ നിന്ന് തോക്ക് പിടിച്ചെടുത്തതിനെ തുടർന്ന് അബ്ദുറഹ്മാൻ അബ്ദി (22) എന്നയാളെ പോലീസ് അറസ്റ്റ് ചെയ്തിരുന്നു. ഇയാളെ തുടർന്നുള്ള അന്വേഷണത്തിലാണ് അപ്പാർട്ട്മെന്റിൽ റെയ്ഡ് നടത്തിയത്. എന്നാൽ ഇൽഹാൻ ഒമറിന്റെ മകനെതിരെ ഇതുവരെ കേസെടുക്കുകയോ അറസ്റ്റ് ചെയ്യുകയോ ചെയ്തിട്ടില്ലെന്ന് അധികൃതർ അറിയിച്ചു. സംഭവത്തിൽ പോലീസ് അന്വേഷണം തുടരുകയാണ്.