കർഷകൻ, സഹകരണ പ്രവർത്തകൻ, രാഷ്ട്രീയ പ്രവർത്തകൻ എന്നീ നിലകളിൽ വ്യക്തിമുദ്ര പതിപ്പിച്ച കെ. അച്യുതൻ ജനങ്ങളുടെ മനസ്സറിയുന്ന ജനകീയ പൊതുപ്രവർത്തകനായിരുന്നു. ചിറ്റൂരിന്റെ വികസനത്തിനും ജനങ്ങളുടെ ക്ഷേമത്തിനുമായി അദ്ദേഹം നടത്തിയ പ്രവർത്തനങ്ങൾ എന്നും സ്മരിക്കപ്പെടും.
2011-ലെ നിയമസഭയിൽ അദ്ദേഹത്തോടൊപ്പം ഒരുമിച്ച് പ്രവർത്തിക്കാൻ തനിക്ക് അവസരം ലഭിച്ചിരുന്നു. ലാളിത്യവും സൗഹൃദവും നിറഞ്ഞ അദ്ദേഹത്തിന്റെ പെരുമാറ്റവും ജനങ്ങളോടുള്ള ആത്മബന്ധവും ഏറെ ശ്രദ്ധേയമായിരുന്നു.
കെ. അച്യുതന്റെ വിയോഗം കോൺഗ്രസ് പ്രസ്ഥാനത്തിനും പൊതുസമൂഹത്തിനും വലിയ നഷ്ടമാണ്. അദ്ദേഹത്തിന്റെ കുടുംബാംഗങ്ങളുടെയും സഹപ്രവർത്തകരുടെയും ദുഃഖത്തിൽ പങ്കുചേരുന്നു. പരേതന്റെ ആത്മാവിന് നിത്യശാന്തി നേരുന്നു.
